Tura, June 15: State Reservation Policy-ni bidingo nipiltaianiko dakna Expert Committee-ko songengon, Job Reservation Policy-ko dingtangatanirangko nangnikjaenga ine Garo Students Union parakataha.
Garo Students Union, je man•gni bakrangko Meghalaya High Court-ni gita Garo jatrangna on•china a•dok sorkariko rai on•manahachim, mongsongbate sorkarini kamrangko on•anio Garo jatrangni man•gni bakrangko dingtangatjachina aro apsan daken 40% bakkon on•aichina ine Expert Committee-ko ku•pattiataha.
State Reservation Policy-na songgimin Expert Committee-ni Secretary LK Diengdoh-na seatgipa chittio, lekka porako on•anio, janggi tanganio man•gnirangko aro sorkarini kamrangko man•pana A•chikrangoba bil dongani gimin, apsan daken cholrangko on•a nanga ine GSU, CEC President Tengsak G Momin janapataha.
Indake, 2022 bilsio sorkarini kamo rakkianioba namen dingtanggrikaniko nikna man•aha, sak 15,157 A•chikrangni kam man•gniko sakgipinrangkosa srik srik kamo rakkiaha ineba ua committee-na gisik ra•ataniko on•ataha.
Khasi aro Jaintia jatrangni gisepo, u•i ma•sigipa aro lekka pora skia man•batgiparang dongahani gimin uamangsa bang•bata cholrangko man•a nanga aro ia policy-ko nipiltaianiko dakna nanga ine uamangni dabianiko dakengon, batanggimin somoirango ming 15,000 kamrango sriksrik gipinrangko kamo rakkianiko skanggipa nipiltaianiko dake uarangko gapatchengna nangenga jean A•chik jatrangni man•gnisa ong•achim, ine Garo Students Union aganaha.
Ia Job Reservation Policy 1972-ko gital daktaie niamrangko ra•gataichina dabianiara, jat gittamni gisepo pilak namgnirangko on•a niksamsoe apsagrik bake ba suale chame on•giminni kosako mikbue chalakki dakenganisa ong•aia. A•doko gitalgipa niam retirangko ra•gatjokon, skanggipa Roster System-o nangchakegen jekon dol 3-na bakna nangao ga•akgen, uni gimin Khasi, Jaintia aro Garo jat 3-ni gisepon apsangrik suale on•giminko dingtanggrikatna nangja aro a•dokko bimang ong•atna dakgrikbagiparang ong•e apsan man•gnirangko man•e songdong a•chagiparang ong•na nanga ineba GSU-ni President aganaha.
Iani bidingo Political-ni gita chalakki dakenganiko janapatengon, ia policy-ko gital dake niam retirang baksa ra•gatchina dabienganira, a•doko songdongenggipa jat 3-oni A•chik jatrangko watchange, gipinrangni namgninasa ong•aia ine aganan baksa, sorkarini kam J.D.A-na gital ong•e rakkia man•giparangoni bang•baten A•chikrangko rakkijaha, aro iachin Roster System-o A•chikrangna on•gipa bakko jakkaljaha ine u•ina man•aha aro iandakgipa obosta batanggimin somoirangoba A•chikrang baksa ong•angaha. Service Rules-niko niatgenchimode, A•chik employee-rang jemangan promotion-ko ba ra•doatako man•a nangachim, uamangba junior level ba ongipa gadangon kam ka•e cha•na nangao ga•akengkua, aro iani bidingo raken nipilataniko dakna nangaoba ga•akenga ineba GSU mikrakataniko on•angaha.
Indake, jat mandeni jelroroanio pangchake JRP-ni bidingo nipiltaianiko dake 40% reservation-ko komiatna dabianiko A•chikrang raken jegalatenga, maina ia policy-ko, pilakan apsan cholrangko, dilgiparangko aro gipin man•gni bilrangko man•a gita chel•chaksona tarigipa policy-sa ong•a.
A•chikrangna Reservation Policy bilongen gamchata ine ma•sie, A•chikrangna 40% a•kanggimin bakko komiatna aro Khasi-Jaintia jatrangna 40% bak man•enganiko bariatchina dabianiko Garo Students Union raken jegalatenga aro Job Reservation Policy 1972-ko taridapna nangja ine uamang dabiangskaaha.
Na·simang ia video-koba nina man·gen:
Na·simang iakoba poraina man·gen: Bobil dolni membor saksako Assam-ni STF rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
