Tura, Jan 31: South West Garo Hills-o District Congress Committee (DCC)-ni President aro MP Saleng A. Sangma baksa sepango donge kamko ka·gipa Learmildford A. Sangma baksana gipin dingtang dingtang a·gipibatgipa dilgiparang aro office bearer-rang baksa Sonibar salo Asanang Orchid Lodge-o kamtangko watani lekkako on·eaha.
DCC-ni President baksana Congress doloni ong·katgipa gipin mongsonggipa dilgiparangara, SWGH DCC-ni General Secretary Pillarson B. Marak, SWGH DCC-ni Treasurer Titnal A. Sangma, SWGH DCC-ni Accountant Trenish D. Sangma, Salmanpara BCC-ni Vice President Tengman M. Marak, Ampati BCC-ni President Salgra M. Sangma, Mahendraganj BCC-ni President Jepsing Sangma, Ampati BCC-ni Vice President Chesrang D. Sangma, Ampati BCC-ni BLO Nikacheng Ch. Marak baksana Mahendragangh BCC-ni President Kreckstone R. Marak, Mahendragangh BCC-ni Secretary Tenzing T. Sangma, Mahendragangh BCC-ni Vice President Nathaniel A. Sangma, Rangsakona BCC-ni President Limberth D. Sangma aro Rangsakona BCC-ni General Secretary Panseng A. Sangma ong·a.
A·chik jawilwat Dombe Wari-o Joreng ine mingsing minggamako man·gipa Learmildford A. Sangma, party-ni kam ka·anirangna bang·a party-na kam ka·gipa manderangni kusi ong·gijaniko nike aro uamangni kam watani chittirangko man·soe ua Congress doloni ong·kataha ine aganengon, ua gipin party-o napana napjawa uni bidingode mamingkoba chanchia dongkuja ineba ua kobor ra·timgiparangna u·iatangaha.
Iani gisepon, chonchongipa gadango donge uamang rake kamrangko ka·genchimoba a·gipibatgipa dolni dilgiparang uamangko nigalan baksana uamangna maming dakchakanirangko on·jahani gimin ua Congress doloni ong·kataha ine Jepsing Sangma u·iatangskaaha.
Politics-ni bidingo u·i-ma·sigiparangni chanchichipani gitade, ia bang·bea mongsonggipa dilgiparangni party-oni ong·kataniara Garo Hills-o Congress dolko bilgriatan baksana MP Saleng A. Sangma-ni political bilko nangchakeatnaba donga.
Na·simang iakoba nina man·gen:
Na·simang iakoba poraina man·gen: Truck aro auto su·gakgrikanio sak 4 sia aro sakgni saknaa man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
