Shillong, Jun 5: Jowai-ni 100 bedded Maternity & Children Hospital-o simsakjani a•sel an•o donggipa me•chik aro uni bi•sa okon sichipaha ine Khasi Students Union (KSU) aro Jaintia Students Union (JSU) matnangataha.
Koborko on•ani gitade, East Jaintia Hills a•jao donggipa Jalaphet songoni Pynche Bareh minggipa me•chik saksako, re•anggipa June-ni 2 tariko nambate sanna bananiko ra•china gita uni songo donggipa health dispensary-oniko Jowai-ni Maternity & Children Hospital-ona watataha.
An•o donggipa ia me•chikko June-ni 4 tariko operation ka•na tik ka•ahani gimin unsal pringode doctor-rang mamingkoba cha•jachina uko aganaha indiba ua apsan salni 2:00 bajimango, me•chikni ma•gipa, nurse saksaona re•ange, uni gimin sing•on, uko ua manengesa watatpilaiaha ine nokdangni manderang aganaha.
Attamode ia me•chikni obosta namjabatrorona a•bachengaha aro unosa ia me•chikko operate ka•na man•jawaha ine hospital-ni manderang, nokdangni manderangna u•iataha aro uandaken ia me•chik, apsan walni 9:30 bajimango siangaha ine ia me•chikni nogipa parakataha.
Ja•mano ia me•chikni ma•drangrang, ia a•selna hospital-ni doctor-rangko aro nurse-rangko matnangenba, ia me•chikni manggisiko ra•chakna jechakaha aro ia a•selni bidingo talate on•china dabiangtokaha.
Ia a•selni bidingo KSU aro JSU dolrangba raken jegalataha aro ia an•o donggipa me•chikni sianio jak donggipa official-rangni kosako rakgipa ja•kurangko de•china dabiangaha.
Da•o dipet ia a•selni bidingo hospital-ni official-rang, maming talataniko on•skakujaenga.
Na·simang ia video-koba nina man·gen:
Na·simang iakoba poraina man·gen: World Environment Day-ko Tura-o manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
