Jowai, Jan 24: Bilsi 10-mangna galchipe donani ja•man Jowai-ni Iawmusiang-o donggipa High Mast Lighting Pole-ko West Jaintia Hills a•jani Deputy Commissioner Garod LSN Dykes-ni ja•ku de•anichi re•anggipa January 21 tarikna skang, teng•atpiltaina man•aha ine u•iataha.Deputy Commissioner-ni u•iatani gitade, ia High Mast Lighting Pole-ko cement company-rang songahachim aro batanggimin jarangonin ia bijoliko teng•atpiltaichina gita jolni dilgiparang uko didiahani gimin ua ia High Mast Lighting Pole-ko re•anggipa January 21 tariko Meghalaya a•dokni bilsi 50 gapaniko manina skangan teng•atpiltaina man•aha.

Ia High Mast Lighting Pole-ko cement karkanarangan tarienba teng•atpiltaina man•aha ineba Dykes parakataha.