Tura, Apr 8: Batanggimin sal somoirango, Garo Hills-o so•sojengjeng ong•angani ja•man da•o ong•enggipa obostarangko nipiltaina aro mongsongbate labour ba dingtang dingtang kamrangko ka•giparang chu•ongjaengani a•sel neng•nikanirangko chagrongna nangengani gimin Budbar salo, West Garo Hills a•jani Deputy Commissioner Vibhor Aggarwal, West Garo Hills a•jani Superintendent of Police (SP), Labour department, dingtang dingtang official-rang, songsalna kam ka•gipa dolrang aro toromko dilgiparang baksa Tura-ni Circuit House-o tom•aniko ong•atangaha.
Ia tom•anio, West Garo Hills a•jani Deputy Commissioner, dingtang dingtang official-rang aro dingtang dingtang dilgiparang baksa chanchirimengon, kamrangko ka•e cha•na aro Garo Hills-o songdongna dongimin niamrang, mongsongbate Migrant Registration Act aro Meghalaya Resident Safety & Security Act (MRSSA) gita dakgipa niamrangko ja•rikna nangengani gimin janapangaha.
Gipin biaprangoni manderang, West Garo Hills a•jaona kamrangko ka•e cha•na re•bapilgenchimode, joltango songdongenggipa manderangna naljokaniko rakkian baksana uandakgipa manderangko rimnappiltaianio dingtangmancha niamrangko donchina gitaba Deputy Commissioner, Labour department-na ge•etaniko on•angaha.
Batanggimin sal somoirango so•sojengjeng ong•anirangko nikna man•ahaoba da•o tom•tomaniko ra•bapilna man•ahani gimin ua dingtangmancha jolo songdongenggipa manderangko aro mondolini dilgiparangkoba mittelpilangaha.
Na·simang iakoba nina man·gen:
Na·simang iakoba poraina man·gen: Chamaria jolrango ga•akgipa polling official-rang neng•bee songreangna nanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
