Guwahati, Feb 3: Kaziranga National Park-o donggipa nitobegipa Panbari Reserved Forest-ko nina re•bagiparangna kulipiltaiaha. Assam-o donggipa ia biapko dingtang dingtang sambolrangan gapaigipa biap ong•ani gimin u•itoka baksana buringni do•orangko nina namnikgiparangna ge•sa nambatgipa biap ong•a. Ia biapo, Asian Fairy-bluebird ba tangsim rongni do•o baksana ringgek-rangko man•chape ming 300 mangni gita do•oni rokomrang gnang. Ia reserved forest-ara ming 400 rokomni me•piliprang aro matburingrang jekai mongmarang, matcharang aro matchapengrangni dongram biapba ong•a. 2009 bilsio iako chipa jaman 2022 bilsio dikdiksana kulienba, samtangtango donggipa ong•telaigiparangko nokchakna gita da•o ia reserved forest-ko kulipiltaiaha.
Eco-tourism-na gisiko nangani batroroenggipana dakchakaniko on•a gita, Panbari-o da•o do•orangko mandikatgija nie rona ba jachipchang ra•na man•a gita gadoe nina 20 feet mang chugipa chadengchakni nokko rikaha. Do•orangko nina gita birdwatching session-na biap a•kangna, rama nina aro do•orangni gimin u•ie ra•na gita gital website-koba kuliaha.
Re•bae nigiparangna dongimin niamrangara:
1) Re•bae nigiparang, re•bana salsa skang a•kangatna gita nanggen aro group prakan gari bol 3-o sak 12 manderangsan gadona gita man•aigen.
2) Group ge•prakan sakgni silchidare donggipa re•bittimgiparang baksa saksa jolni mande dongpana nanggen.
3) Re•bagiparang dongimin biaprangosan garioni ong•katna gita man•aigen.
4) Do•o nina dongimin somoirangara uan pring 6 bajioni salni 10 bajiona ong•gen.
5) Modarjuri Camp gita napangenba, Panbari beat house gita ong•katbana gita nanggen.
Do•o nigipa, jachipchang ra•gipa ba ong•telaigiparangko nina re•bagipa sakantinan Panbari, tom•tomgipa aro an•saogipa dake nianirangko on•anggen.
Na·simang ia video-koba nina man·gen:
Na·simang iakoba poraina man·gen: Radio controlled IED bomb-ko Imphal East-oniko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub