Guwahati, Oct 15: Kaziranga National Park-ni Burapahar Range-o niam gri sikar ka·gipa mande saksako Mongolbar pringo forest department-ni manderang slai goe siataha.
Official-rangni aganani gitade, pringwalni 2:50 bajimango Burapahar Range-o dongtimgipa manderang Maite Tapu jolo teng·aniko nikataha. “Kaziranga National Park-o silchidare ra·bitgipa niam gri sikar ka·giparang roramenga ine koborrangko man·ani gimin, camp-rango nitime donggipa manderangko sandie nichina aro pilak ong·katani ramarangko champengchina u·iataha,” ine official saksa parakataha.
“Nitimenggipa dolrang silchidare ra·bitgipa adita sak niam gri sikar ka·giparangko nike uamangko dongdipna aganon, uamang slai-rangko goaha. Forest department-ni manderang an·tangtangko chel·chakna slai-rangko gochakaha. Ia obostani ja·mano, gipin dolrangni dakchakanichi sandianirangko dakaha aro ua biapo niam gri sikar ka·gipa saksani manggisiko nikaha,” ine ua official agandapaha.
Forest department-ni manderang ua biapo .303 slai bolsako aro jola kingsako man·aha. Uandake, sikar ka·gipani manggisiko post-mortem ka·na watataha.
Joke katanggipa gipin sikar ka·giparangko sandianirangko da·o dakangkuenga.
Na·simang iakoba nina man·gen:
Na·simang iakoba poraina man·gen: Nongkharai Presbyterian HS School-ko nokdonggaanio Conrad bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
