Guwahati, Sep 11: Kaziranga National Park & Tiger Reserve-o Assam-ni sambolrang aro matburingrangko naljoke rakkianio janggitangko gimaatgipa forest staff-rangko mande ra·pilskaani gita Forest Martyrs’ Day-ni salko maniangaha, jeon sianggipa nokdangni manderang, forest official-rang aro mikkango donge kamko ka·gipa staff-rang dongpae bak ra·angpaaha. Ia tom·bimonganiko Kohora Convention Centre-ni Kohora Social Forestry Park-o donggipa Shahid Smarak-o pulrangko done mande ra·aniko dakangaha aro ia biapon bang·a bilsirangoni sak 25 sianggipa manderangko mande ra·aniko dakrongbaenggipa.
Forest-o kam ka·enggipa nokdangrangoni chu·sokaniko man·gipa bi·sarangnaba re·baenggipa chasongrangna chakpaaniko mesokani bak gita award-rangko on·angaha. Ia salara sianggiparangko gisik ra·anisan ong·aija, indiba ian samtangtango donggipa ong·telaigipa sambolrang aro matburingrangko ripinge rakkianina on·kanganiko gital daktaiani ong·a ine official-rang aganangaha.
Kaziranga-o janggitangko on·akanganirang 1939 bilsio a·bachengaha, jeon Mahi Miri minggipa saksa niamgri matburingrangko so·ote galgipa manderangni a·damko rongtalata baksana chi ban re·ani somoio songni manderangna dakchakaniko on·a jaman blackwater fever ingipa saaniko man·e siangaha. Indake re·anggipa 2024 bilsini April jao, Apurba Momin minggipa saksa gondu-chi so·otako man·aha. Batanggimin bilsirangoba, bang·a manderangan kamtangko ka·engmiting somoio niamgri matburingrangko so·otgiparang, chi ban re·anirang, buringni matburingrang, rang·gitik a·sel ong·anirangchi janggitangko gimaatan baksana gipin kengnirangkoba chagrongna gita nangrongenga.
2006 aro 2021 bilsirangni gisepo a·gilsak gimiko kamtangko ka·engmiting somoio sak 2,351 mangna baten ranger-rang janggitangko gimaataha, jeon mongsongbate Asia aro Africa-ni manderang bang·bata ine u·ina gita man·aha. Report-o mesokani gitade, bang·a forest staff-rangan gisikni gita neng·nikanirangko man·e uamangoni an·tangtangko so·ote sigiparang batroroaniko nikna gita man·enga.
Kaziranga jeon a·gilsak gimiko grong ge·sangipa gondu bang·batgipa ong·aniara, India-o sambolrang aro matburingrangko naljoke rakkianio chu·sokaniko mesokan baksana uarangko nitimenggiparangni on·kanganikoba mesoka.
Na·simang iakoba nina man·gen:
Na·simang iakoba poraina man·gen: NERCORMS aro Amantya Technnologies NEHU-o Public 5G Use Case Demonstration-ko ong•atnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
