Shillong, June 20: Khasi Hills Autonomous District Council (KHADC)-o United Democratic Party (UDP)-chi dilenggipa Executive Committee-ko be•gruatanio ua an•tangde maming bak dongja aro MDC-rangsan iani bidingo talatanikode on•na man•aigen ine Mongolbar salo, Meghalaya a•dokni Deputy Chief Minister aro National People’s Party (NPP)-ni national vice president Prestone Tynsong parakataha.
Sombar salo, UDP-chi dilenggipa KHADC EC-ni kosako NPP-ni sak 12 MDC-rang aro Congress dolni sak 6 MDC-rang, No-Confidence Motion-ko ra•gatangani ja•man, gitcham chief executive membor (CEM) Titosstarwell Chyne-chi dilenggipa EC be•gruahachim ine nikna man•a. UDP-chi dilenggipa EC be•gruani ja•man NPP aro Congress dol bakrime da•o Khasi Hills Democratic Front (KHDF) Executive Committee-ko rikskaahachim.
Iani bidingo talataniko on•angengon, District Council-ni executive committee-rangko be•gruatanide uni kam ong•ja aro MDC-rangsa iani giminde talate on•na man•aigen ine Tynsong parakatskaaha.
Ia sal somoirango mikkarang waengani a•sel rama jal•langrang nosto ong•atako man•na nangengani gimin janapatskaengon, badiaba ramarangko a•arang rurongdapenga ong•ode ta•raken kamrangko ka•china gita ua ge•etaniko on•atmanaha ine a•dokni Deputy Chief Minister aro PWD (Roads) Minister parakataha.
Shillong-Dawki road project-ni bidingo talataniko on•angskaengon, ia ramako tarina tender on•piltaiani kamrangko ka•engkua aro jean tender-ko man•gen, una project-ni package 1-ko on•anggen ine Tynsong parakataha.
Ryngain jolo gital dake a•arang rurongtaigipani gimin janapatskaengon, NHIDCL official-rangko pangnan mikrake dongchina aro a•arang rurongani somoio ta•raken ramarangko rongtalatna man•na gita kolrangko pangnan tarie dongchina ge•etaniko on•ataha ine PWD (Roads) Minister parakataha.
Iakoba poraie nina man·gen: Rongram-o cha•ani palgipa dokkanko chipata
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
