Guwahati, Sept 24: Zoological Survey of India, Shillong-ni scientist-rang, Dr Uttam Saikia-ni dilanichi India-o skanggipa chang-na Mizoram a·dokoniko kimil rimitgipa gingting ro·gipa do·bakko nikaha.
Ia am·sandie man·aniko Zootaxa journal-o chapa ka·aha, aro ia do·bakko uni dongram-oni 1,000 kilometre chel·ao nikna man·aha.
Ia rimitgipa gingting ro·gipa do·bak-ara (Harpiola isodon) chongipa, nikronggijagipa jat-ni do·bak ong·a aro ian Vespertilionidae dolni (attamo ong·katgipa do·bakrang) ong·a. Ia do·bakrangko uamangni ro·gipa gingtingchi u·ina man·a aro uni rimit-rimit dake sonani rong dakgipa kimilrang gipin do·bakrangoni dingtange uko niksengbatata.
Ia do·bakrangko Salgipeng Salaram Asia aro China-osan nikaiachim. Da·ona kingking India-o, Himalaya-ni Saliramchipak ia do·bakni apsananggipa jat- Harpiola grisea-ko nikkuaingachim. Dr. Saikia ia nikronggijagipa do·bakko Aizawl a·jani Hmuifang joloniko man·aha. India-o donggipa do·bakrang aro Taiwan aro China-o donggipa do·bakrangni gimin am·sandie nisusae nion, ua aro unbaksa a·gilsakni dingtang dingtang biaprangoni bakrime kam ka·giparang adita somoirangna skang H. isodon-ko H. grisea ine chanchichipe see rakkigiminrang donga ine nikaha. Dr. Saikia baksa bakrime kam ka·gipa gipin scientist-rangara Hungarian Natural History Museum-oni Gabor Csorba, Geneva-ni Natural History Museum-oni Manuel Reudi aro Nature Conservation Foundation-oni Rohit Chakravarty ong·a.
Uamang Zoological Survey of India, Kolkata-ni see rakkigimin, Mizoram a·dokni Lunglei a·jani Sairep songoniko jat dingtangni do·bokni bidingoba sandie niaha aro uarangba da·o gital man·gipa do·bakni jat ong·a ine u·ina man·aha. Ia kimil rimitgipa gingting ro·gipa do·bakko skanggipa changna 2006 bilsio Taiwan-ni a·bri jolrangoniko nikchengaha aro uni ja·mano China-ni Salgipeng aro Vietnam-ni adita gittim-rango nikna man·aha.
“Ian India-ni Salgro Salaram-o do·bakrangni jat bang·aniko mesoka,” ine researcher-rang seaha, aro indake dingtang dingtang jatrangni do·o-matrang bang·genchimoba, iarangni bidingo am·sandianirang dongbreja ine janapaha.
Ia am·sandie nianio H. isodon-ni donggipa biaprangoni morphometric data aro mikoani gam·anikoba talata. Senokgiparangni aganani gitade, integrative taxonomy, chong·motan, gital aro gitcham bewalrangko jakkalbrinanichi ia jolo donggipa matburungrangni gimin am·sandina aro uarangko ripingna dakchakani ong·gen.
Dr. Saikia aro unbaksa bakrimgiparang India-ni Himalaya jolrango donggipa do·bakrangni gimin bilsi 10-na baten am·sandianirangko dakengaha aro uamang adita gitalgipa jatrangni do·bakangko man·aha. Ia am·sandie man·anirang India-ni Salgro Salaram jolo bang·bate am·sandianirangko dakna nangkuenga ine mesoka ine Zoological Survey of India-ni Director, Dr. Dhriti Bannerjee parakataha. Da·ona kingking India-o man·giparang do·bakrang jat 136 donga ineba ua agandapaha.
Do·bakrangko an·chingni burung-bolgrimrang aro do·o-matrangna nangchongmotgipa ong·a maina uarang biterangko nangatna, bitchilrangko chaatna, aro jo·ongrangko nisina dakchaka, indiba uarangni bidingo am·sandiani aro ripinganina bang·e gisik nangrongja. Mizoram-o kimil rimitgipa gingting ro·gipa do·bakko nikanichi India-o nikronggijagipa matburungrang baridapaha aro iandakgipa ma·malrangni dongramko naljoke rakkina niamrangko ra·gatna nangenga.
India-o do·bakrangni gimin am·sandigiparangna, ia kimil rimitgipa gingting ro·gipa do·bakara scientific record-san ong·aija indiba a·songni burung-bolgrimrango nikkugija aro u·ikugijagipa do·o-matrang bang·en dongkuenga ine gisik ra·atani ong·a.
Na·simang iakoba nina man·gen:
Na·simang iakoba poraina man·gen: MLA gitcham, Puja-ni somoio Tura MCH-ni wilwilao “Silence Zone” dakatchina DC-ko didiata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
