Tura, Sept 24: South Tura-ni gitcham MLA John Leslee K. Sangma, Puja maniani somoio Maternity Hospital-ni wilwilao donggipa biaprango “Silence Zone” ba doka dam·ani ba gam·atanirangko dakjachina rakgipa niamrangko ra·gatchina West Garo Hills-ni Deputy Commissioner-na lekka sedoataha.
Re·anggipa 2025 bilsini August 31 tariko Ganesh Puja-ni somoio doka dam·anirang ba gam·atanirang 50 decibel-rangni palo 110 decibel-rang ong·angpilaha ine Sangma janapatengon, Maternity Ward aro Newborn ICU-rangara re·jomna jakkalgipa ramaoni sepangani gimin ian uno sana bananiko ra·enggiparangni tom·tomaniko golmal ka·ani ong·a ineba ua janapangkuaha. Iani gisepon, hospital sambao hammer drill jakkalenggipa contractor-ni bidingoba ua jajrenganiko parakataha, jeni gam·anian 110-114 decibal-rangona sokpila aro ian Silence Zone-ni niamrangko pe·aniba ong·a ineba ua u·iataha.
Sagipa manderangna neng·nikaniko on·enggipa ia gam·atanirangko nirokgijanina ua Central Puja Committee (CPC) aro district administration-ko matnangataha. Iandakgipa apsan obostarangko gelna man·a gita, re·baenggipa October jani 2 tariko Durga puja immersion ba chio mite galani salo re·jomani ramako dingtangatenba Parade Ground, Tura Bazar, police hospital-ko gele Rikman Hotel gita re·ange, SP Office aro DC office Court gita re·jomaniko dakchina ua ku·pattiataha. Iani gisepon, bebe gita ia apsan ramakon jakkalpilaigen ong·ode, Hawakhana Petrol Pump-oni gitcham Circuit House-ona Silence Zone-ni banner ba lekka pal·takko donchina ua u·iatskaaha.
Bebe gita niamrangko pe·genchim ong·ode, Central Puja Committee-san ong·ogija, Puja Mandap Committee-rangba iana dos-ko ra·na gita nanggen ine ua aganangaha. Indake ong·engon, maming ge·etani gri gari gora-rango sound system ba gam·atanirangko jakkaljachina, PWD-ni ramarango pandalko rikjachina aro Puja manianina rika cho·anirangko dakanichi ramarang champengatako man·jachina ba jinmana mamingba neng·nikanirangko ra·bajachinaba ua u·iatangkuaha.
Na·simang iakoba nina man·gen:
Na·simang iakoba poraina man·gen: Zubeen sagiko namnikgipa saksa uko so·gimin tapraoni chakatpilchina mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
