Nagaland, Mar 7: Konyak Union, Ministry of Home Affairs (MHA)-ni gita Frontier Naga Territory (FNT)-ko nakatatna dabianiko, a•song sorkarioni maming aganchakaniko on•jaengani gimin, Konyak Union (KU)-ni sasonni ning•o ong•gipa manderangna, Public Emergency ba u•iataniko on•ataha.
Eastern Nagaland People’s Organization (ENPO)-ni u•iatani gitade, ia Public Emergency-ko, GoI ba a•songni sorkari MHA-ni gita Frontier Naga Territory (FNT)-ko nakatatanio ru•utatenganina jingjengatna miksonge parakatani ong•achim.
Indake, FNT-ko nakatatchina rakbate dabianiko dakenba jingjengatanio, pilak chatro chatrirang jemangan porikkarangko seenggipa, bia ka•enggipa, medical emergency-ko nangenggipa, fire and emergency services aro media-rangko donchangenba, Mon a•jani ning•o ga•akgipa pilakon March jani 8 tariko pringoni attamona ban-ko ba champengataniko dakatenga ine parakatan baksa, ia champenganio Mon a•jao songdongenggipa pilakan bakrimpachina inenba Konyak Union didiataha.
“FNT-ni bidingo dabianiko GoI ba a•song sorkarini gita chu•sokatkujaenga dipet rakbate jingjengataniko dakangkugen aro ia champengataniko dakengon, Mon a•jani ning•o je political party-niba eleksin-na wenaniko dakna man•jawa. Je mandeba, dol ba party-ni gita manijaode, an•tangtang kang•kare kae dakchina” inenba Konyak Union aganaha.
Konyak Union-ni gita Chennai Moho Resolution-ni gimin parakataha, jeon, GoI ba a•song sorkari, MHA-ni gita FNT-ko nakatate on•kuja dipet, je ma•mong ba a•dok-ni Assembly Election-o bakrimaniko jechakchina inenba janapataha.
Na·simang iakoba poraie nina man·gen: Conrad-chi dilenggipa MDA sorkari bilsi 6 gapaha,silroro namroroanina pangchakaniko songa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
