Shillong, Mar 7: Budbar salo Skotong Conrad K Sangma, Meghalaya Democratic Alliance sorkari bilsi 6 gapanio a·dokni tangdoanina pangkame aro srongsrong kamrangko ka·e on·na man·anha ine aganaha.
Songbat setimgiparang baksa agangrikengon, Sangma MDA-2 sorkarini bilsisa ong·aniara MDA sorkariko chalaianio MDA-1 aro MDA-2 baksa chu·gimik bilsi 6 ong·e apsan nagrimgrika.
“Ia bilsirango chingni sorkariko chalaianio banga nengnikanirang aro rabianirangko chagronggenchimoba chinga uarangko chingni dolni ku·mong melie kamrangko ka·anichi amna man·naha aro a·doko aditade tangdoatna man·naha, da·o a·dokni economic scenario-ko niate nigenchimode a·doko chalaianio pangkame aro srongsrong kamrangko ka·e on·na man·naha ine anga agana mangen” ine ua parakataha.
“Chinga bilaken u·isamsoenga batanggipa bilsi 6-ni gisepo je pangchakani ro·ongrangkon songahachim uarang da·o a·dokni ong·enggipa silroroanina baten mikkangchi mongsonggipa ong·e rebaenggipa bilsirangko silbatgen aro chinga iana bilongen ku·si ong·soenga” ineba ua agandapkuaha.
A·dokni Skotong minister iako chu·sokatanio MDA-1 aro MDA-2-o unbaksa apsan cabinet minister-rang aro jemangan sorkariko rikanio bak man·pagipa sakanti manderangko man·chape bakrime kam ka·anina mittel pilnaba cholko ra·angjolaha.
“Nengnikanirang aro manderagni namnika namnikgijanirangde sorkarini kamrangko ka·anio pangnan dongaigen ian democracy-ode ong·aia chinga kamrangko chu·soke ka·e on·na man·nanigimin bilongen ku·si ong·a aro mikkangchi bangbate kamrangko ka·na sikani donga jekon anga a·bachengo aganahachim ian aniversary-ni gimin ong·ja, salantian angnade gamchata”.
“A·dokko tangdoatna, ra·dona aro silroro namroroatana karamrangko ka·anio, anga jeba chol ba somoiko indin galna sikja indiba ia salde bilongen gamchatgipa sal ong·a unigimin an·ching a·dokni manderangna kaketo aro bebeo an·chingni sorkariko rikani somoio chanchianio aro bebe ra·anio pangchake a·dokni manderangna changsaitai on·kangpile kamrangko mikkangchi ka·angkuna”.
Common minimum programme-ni gimin singengon, Skotong minister “Chingni Mission 10-an minimum common programme-ong·a, ian manderangni janggi tangani gadang mairokom ong·enga mongsongbate chinga je biaprangon nengnikani batachin ua biaprangko nigrike sandienba kamrangko ka·enga aro iana banga gipin jakudeanirangko dakenga. MDA-1-ni somoio nanganirangko amsandie manachim uona nanggipa kamrangko ka·enga indakesa chinga remikangenga. Unigimin MDA-1-o je ku·chakanirangko dakahachim uarangko chinga dakenga aro uarangko chu·sokatesa chingni gipin miksonganirangko chu·sokatgen”ine ua aganaha.
Na·simang ia video-koba nina man·gen:
Na·simang iakoba poraie nina man·gen:Govt not financing development by taking loans: Meghalaya CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
