Aizawl, Aug 22: Bristibar salo, Mizoram a·dokni law enforcement authority-rang bang·a kror-rangni Metamphetamie-rangko ra·angmitingko rim·rikaha, aro uamangni aganani gitade ian Mizoram-o pekgipa bosturangko man·arangoni gnigipa bang·batgipa ong·aha.
Mizoram Excise & Narcotics Department, Narcotics Control Bureau (NCB) aro 191 Bn. BSF baksa bakrime, Bristibar attamo National Highway – NH06A-o, Keifang aro Seling-ni jatchio drugs ra·angenga ine chanchichipgipa garirangko rim·rikaha.
Garini bosturangko nion, truck bolgni-o donnugimin kror 75-ni Metampgetamine kg 49.101 aro heroin gram 36-ko man·aha. Ian adita bilsirangna skang kg 100 metamphetamine-ko man·e bang·batgipa ong·ani ja·mano gnigipa bang·batgipa ong·a. Sandie nianirangko dakon, ia drug-rangara Myanmar-oniko sruksruk palbadinggiparang ong·a ine nikaha.
Drug-rangko man·ani bidingo sakdok manderangko rim·aha –
1) Zoramsiama (25), Beraw lei;
2) Lalruatkima (42), Bualpui;
3) Nanglamthanga (20) Champhai Bethel;
4) David Lalhmachhuana (28), Bawngkawn, Aizawl;
5) T. Chatuanvanlalnghaka (29), Bawngkawn, Aizawl;
6) Lalramthara (27), Champhai Ruantlang;
7) Hmangaihzaua (38), Champhai Bethel; aro
8) Lalrammuana (29), Champhai Bethel
Drug-rangko salrurana jakkalgipa garirangkoba rim·aha –
1.TATA truck (Regn No MZ01F-1037),
- Renault Duster (Regn. No. MZ07-7237),
- Ashok Leyland Truck (Regn. No. MZ06-8810); aro
- Mahindra Bolero (Regn. No. MZ01Z-8246)
Sakchet rim·ako man·gimin manderangko The Narcotic Drugs & Psychotropic Substances Act, 1985-ni ning·ao badi ka·aha aro uamangko dos donga ine sakki man·genchimode, uamang tangka lak 1-2 gama baksana bilsi 10-20na pattoko donako man·gen.
Na·simang iakoba nina man·gen:
Na·simang iakoba poraina man·gen: Segipako so·otanina me·chik saksa aro uni mikchagipako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
