Guwahati, Aug 22: Bilsi 28 ong·gipa me·chik aro uni mikchagipako, Tusiani samko on·e segipako so·otanina Cachar Police rim·aha.
Ia dosko dakgipa manderangara bi·sa sakgnini ma·gipa Rina Begum aro uni mikchagipa Bashiruzzaman Laskar (33) ong·a aro ia mande sianggipani gariko chalaienggipaba ong·achim.
Indake ia a·selo ga·akgipa Imran Hossain Barbhuiya (38) August 11 tariko siaha aro uni siani a·selara ka·tongo rang·gitik saaniko man·ani a·sel ong·a ine uni nokdangni manderangna u·iataha aro salgipinon uko gopaha.
Uni ja·amano, uni nokdangni manderang ia a·selo saoba jak dongna nanga ine chanchipenba Augustni 20 tariko, Dholai Police Station-o badi ka·doaha aro Bharatiya Nyaya Sanhita (BNS) 2023-ni Section 103 (Murder), 111 (Prevention and Punishment of organised crime), 25 (Acts done without intention to cause death or serious injury) aro 61 (Criminal Conspiracy)-o pangchake FIR-ko segataha ine Police official aganaha.
Imran sagini adatang Najib Barbhuiya-ni aganani gitade, Rina aro uni mikchagipa Biju ru·uta somoirangna mikchagrike dongengachim. Indake August 11 tariko, cha·ani baksa overdose sleeping pills-ko brine on·enba uamang Imran-ko so·otaha aro uni siani salbrini ja·manon uni gam jinko on·china jikgipa dabiaha aro indake dakanichi uamang Imran-ko so·otanio jak dongna nanga ine chanchipaona sokataha ine Najib aganaha.
Iani gisepon Najib aro uni ripeng Rahul Ahmed Laskar aro Bachan Laskar nangrimenba Rina aro Biju-ni gisepo whatsaapp-o agangrikaniko sriksrik sandirikkitaniko dakahaon, chong·mot a·selko u·ina man·aha ineba Najib agankuaha.
Indake Police-rang Biju-ko rim·e sing·sandianiko dakon an·tangni dos dakaniko ua ku·rachakaha ineba ua agandapaha.
Na·simang iakoba nina man·gen:
Na·simang iakoba poraina man·gen: Porikka minggniko apsan salo ong•atna tik ka•anina JSU jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
