Shillong, Jul 2: Assam aro Meghalaya a•dok damgnini sima jolo donggipa West Jaintia Hills a•jani Lapangap songo donggipa manderangna chel•chakanirangko on•china dabie Budbar salo, Jaintia Students Union (JSU)-ni membor-rang, Jowai-o donggipa Deputy Commissioner (DC) office-o tanggitik jingjengataniko ong•atangaha.
Sima jolo donggipa Assam a•dokchipakni Karbi manderang, Jaintia Hills-ona napdrabae, bagan barirangko dakna jotton ka•engani a•sel, batanggimin sal somoirango ia songo dolgni dinggrikanirangko nikna man•ahani gimin ia songni manderangna chel•chakanirangko on•china aro mi misirangko ge•engmiting somoirango game ge•e cha•giparangna chel•chakaniko on•china JSU, a•dok sorkario dabiangaha.
Ia jolrango so•sojengjeng ong•engani a•selan ia songo donggipa dol 30-na baten nokdangrang, an•tangtangni mi a•palrangona re•ange mi misirangko ge•na man•kujaenga ineba JSU parakataha.
Indake ong•engon, JSU aro Deputy Commissioner-ni gisepo tom•aniko ong•atgen ine West Jaintia Hills-ni District Magistrate F Passah, jingjengatenggipa dolni memborrangna ku•rachakaniko on•ataha.
Na·simang ia video-koba nina man·gen:
Na·simang iakoba poraina man·gen: Assam CM-ni garirangko botol gotatrikani bidingo sakdok manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
