Rugpara, Jul 2: South Garo Hills a•jani ning•o donggipa Krima No. XIII-ni Megua Songma Baptist Mondolina Marchingbirth R Marak-ko, Krima No. XIII-ni Executive Secretary Rev Shallim M Marak-ni jakchi Pamong songe on•angaha. Ia gital pamongko songanio, Mondolini dilgiparang, chong•motan Objalsing Ch Sangma, Tengra D Sangma aro Jasthin M Marak-ba jak dondape pattianiko on•angaha.
Ia pamong songani program-ko Pamong Damchi M Sangma, chairperson ong•e dilangaha aro ia tom•bimonganio, Krima XIII-ni Executive Secretary Rev Shallim M Marak, ‘Jisuko ja•rike dangdikani’ ine katta bichongo, Sastroni nama katta Johan 13:12-15-o pangchake, Isolni namgipa kattarangko aganprakangaha. Uni skiprakanio Rev Marak, dingtangmancha Jisu Kristoni mandena ka•saaniko toenba, gital Pamong Marchingbirth R Marak-koba Isolni mandena ka•saa gita, Mondolini membor sakantinan ka•sae dangdikchina agan-ku•pattianirangko on•angaha.
Ia pamong songani program-o Chokpot-ni MLA Sengchim N Sangma-ba dongpae bak ra•angaha.
Na·simang ia video-koba nina man·gen:
Na·simang iakoba poraina man·gen: Lapangap songko chel•chakchina dabie JSU jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
