Shillong, May 14: So•sojengjeng ong•enggipa West Jaintia Hills a•jani Lapangap songo, Special Force (SF-10)-ni dolsa aro Meghalaya Battalion-ni dolgni sipairangko donataha ine Bristibar salo, Meghalaya a•dokni Director General of Police (DGP) Idashisha Nongrang parakataha.
Lapangap jolrango a•dok damgnini manderang so•sojengjeng ong•engani gimin Assam a•dokchipakni police camp-ko songani ja•man Meghalaya Police-ba, ia jolo police camp-ko songna miksongenga ineba Nongrang parakataha.
Walni somoirango Karbi-chipakni manderang re•bae, gama ge•anirangko nisie galrongenga ine Budbar salo Lapangap songni manderang, chel•chakanirangko on•china dabienba, Secretariat-ona jinma re•jomangani ja•man, ia songo SF-10-ni dolsa aro Meghalaya Battalion-ni dolgni sipairangko donataha ine DGP parakataha.
DGP-ni aganani gitade, Lapangap songo skanggipa changna so•sojengjeng ong•chengani somoioba sorkari, SF-10 dolni sipairangko watataha aro da•oba songni manderang, SF-10 dolni sipairangko nangnikahani gimin SF-10-ni dolsa sipairangko ia songona watataha.
Mikkangchi nangdapkugenchimode uamang Lapangap songona sipai dolrangko watdapatgen ineba Nongrang aganaha.
Lapangap songo police outpost-ko songchina dabienggipani bidingo sing•on, ia jolo Assam-chipaknide police camp-ko songahani gimin Meghalaya a•dokchipakniba police camp-ko songna miksongenga ine DGP aganaha.
Na·simang iakoba nina man·gen:
Na·simang iakoba poraina man·gen: Tripura-o Military-Civil Fusion Program 2026-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
