Shillong, Nov 20: Sonibar salo, Ai Jingim Voluntary Donors Organisation-ni gita blood donation camp ba an·chi on·gilani program-ko Lawmali-o donggipa Pasteur Institute-o ong·atangaha.
Batanggimin somoirangoba Ai Jingim Voluntary Donors dolni gita bang·en iandakgipa an·chi on·gilani program-rangko ong·atangaha aro da·o dipet unit 1012 an·chirangko on·gilpana man·aha ine u·iataha.
Lawmali-o ong·atanggipa blood donation camp-o North Shillong constituency-ni NPP candidate Ransom Sutnga, mongsonggipa sokgipa ong·e bakko ra·angaha aro manderangni janggirangko jokatna gita an·tangtangni gamchatbegipa an·chirangko on·gilchina gita chadamberangko didiangaha.
Ia program-ko ong·ate an·chirangko on·gilatengani gimin ua dingtangmancha Ai Jingim Voluntary Blood Donors Organisation-koba mittelpilangaha
