Shillong, June 28: West Khasi Hills a·jao sana-banani cholrangko on·anio nangchape a·jani MLA-rang baksa tom·e chanchirimangani ja·man, a·jani sanram biaprango mande chu·ongjaengani bidingo a·dokni skotong minister-na u·iatgen ine Meghalaya-ni Health minister Ma Ampareen Lyngdoh, Butbar salo aganangaha.
A·jani ning·o donggipa adita ge PHC-rang, CHC-rango medical officer-rang chu·onga gita donggijani gimin chanchirimani bidingo Ma Lyngdoh, sanchakram biaprango doctor-rang chu·onge donggijaniko chinga ma·sienga aro doctorrangko kamo rakkiani gimin skotong minister baksaba agangrikenga ine janapatan baksa, a·doko sana-bananiko on·ani a·bao specially specialist, super specialist aro MBBS doctor-rangko gong·raken nangchongmotengani gimin chinga chanchirime kamrangko ka·gen ine minister parakataha.
West Khasi Hills a·jani ning·tugipa songrango da·omangba garirang sokkugijan 40 percent-mangni gita dongkuengani gimin ua biaprangona ambulance garirangko on·atna gita nangenga ineba Ma Lyngdoh parakataha.
“West Khasi Hills-ni sanram biaprango chu·onga gita sana-bananirangko man·jaengani giminba chanchiangaha aro adita ge sanram biaprangona re·ange nirokeaniko dakgitikatan baksa civil hospital-o donggipa sana-banani biaprangkoba niangjolaha, uandake a·jao tuberculosis centre ge·sa dongna nanganiko aro a·jao chu·gimik bil gnang chalaigipa hospital dongna nangengahaniko nikna gita man·aha ineba Ma Lyngdoh agandapataha.
West Khasi Hills a·jani MLA-rang baksa skanggipa zonal meeting-ko Mongolbar salo ong·atanggipao, a·jani sakbri MLA-rangna agreba, jolni Medical officer-rang, nursing staff, supervisor-rang, DHS aro NHM-ni manderang gimikan bakko ra·angaha.
Iakoba poraie nina man·gen: Shillong-ni Don Bosco Technical School-ko CM niea
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
