Shillong, June 28: Budbar salo, Meghalaya a·dokni Chief Minister Conrad K Sangma, Shillong-ni Don Bosco Technical School-ona re·angenba, pass ka·anggipa chatro chatrirangna certificate-rangko aro appointment letter-rangko sualataha.

Don Bosco Technical School-o ua chatro chatrirang baksa agangrikengon, chatro chatrirango chu·sokgipa ong·na skaniko nike ua namen kusi ong·a maina mandeni janggi tanganio chu·sokaniko man·na gitade skani dongna gita nanga ine Chief Minister parakangaha.

Chadamberangan a·dokna dal·begipa bilrang gita ong·a ine janapatengon, chadamberangni ia bilko a·dokni man·gnina jakkalanio sorkari, dingtang dingtang ra·bianirangko chagrongna nangenga ine Sangma parakataha.

Don Bosco Technical School-ko mittelpile aganangengon, ia technical skulo pass ka·enggipa chatro chatrirangan a·dok gimiko pass ka·aniko nigopgenchimoba bang·batengkua ine Chief Minister parakataha.

Dingtang dingtang kamni a·bao lak bonga kamrangko ong·katatna gita sorkari nisanko donenga ine talatangengon, ia nisanko chu·sokgipa ong·atna sorkari, Don Bosco Technical School baksaba bakrimgen ine Chief Minister, ku·rachakaniko on·angaha.

Don Bosco Technical School-ko ra·doangkuchina aro ia skulo on·enggipa course-rangko gital chasongo nangani kri brinchina gitaba Chief Minister ku·pattianiko on·angaha.

Iakoba poraie nina man·gen: A·CHIK dol, batanggiminiko nipilesa roster-ko ra·gatchina dabie sorkarina sal 7 somoiko on·a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub