Shillong, June 28: Reservation Roster-ni bidingo sorkari, da·omiting kamrangko ka·na gita a·bachengengon, sorkarini kamrango A·chik jatna tikatgimin bak-rengsiko indita chasongrangna man·bajahaniko nipilate aro batanggimin somoio reservation policy-ko a·doko ra·gatchengaonin chanbaesa roster system-ko ra·gatchina A·chik Conscious Holistically Integrated Krima (ACHIK) dol kingkot dabiangkuenba, ia dabianiko knachakchina gita a·dok sorkarina sal 7 somoiko Mongolbar salo on·angaha.

Batanggimin somoio A·chik jatni mipalko ra·sekbaaniko nipilatenba, pilak public sector company-rango, department-rango aro skie ra·chakramrangon ia roster system-ko A·chik jatni man·na nangkuenggipa bak-rengsiko on·na man·na gita reservation policy-ni niamko ra·gatchengaonin chanbaesa aro pilakko nipilani gnangsa ra·gatchina gita chinga sorkario dabienga ine A·CHIK dolni padot Thomas M Marak koborna seachi janapataha.

Reservation Policy-ko ra·gatchengaonin nichanggalako man·baenggipa Scheduled Caste (SC), Scheduled Tribe (ST) aro Other Backward Classes (OBC) gimiknan apsan bakko tikatna aro batanggimin somoio ong·gija dakbaanirangko namdapatna man·na gita Reservation Roster-ko a·bachengaonin chanbae niamko ra·gatan baksana backlog policy-ko namen nangchongmotenga ine Marak parakataha.

A·doko songpanggipa pilak jatni kosako batanggimin somoio ong·gija dakbaaniko taridapna ba namdapatna gita ian sorkarini dai ong·a ine janapatenba, batanggimin somoio ong·gija dakbaaniko nipilani gnang roster-ko ra·gataniara a·songni constitution-o on·gimin bilan dongani gimin pilak jatni man·gni bak-rengsiko champenganiko gimikan nigake dongjawa ine janapatan baksa, salsnini gisepo knachakjagenchimode sorkari iani biteko chagrongna gita nanggen ineba A·CHIK dolni padot mikarakataniko on·anangaha.

Iakoba poraie nina man·gen: Kamna galanio, Garo-rangna kanggiminko Meghalaya-oni mangmangsan man·aignok ine Ampareen talatanga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub