Shillong, May 18: Meghalaya a•dokna dingtang dingtang nok aro a•damrangko rika-cho•anina ma•mong sorkarioni chamatgimin tangkarangko name dake jakkalenga ine Union minister of state for law Shri SP Singh Baghel aganaha. Ma•mong sorkarioni chamatgimin tangkarangchi rikgimin hospitalrang, dispensarirang juvenile homerang aro uandake gipinrangko rikanirangko minister an•tangan Butbar salo re•e nieaha. SP Singh Baghel, salgnina Meghalayaona songrebaanio Meghalaya High Courtni Bar Association aro Shillong Bar Associationni manderang baksa gronggrike agan-golpogrikangjolaha.

“Iano kam ka•anirang namen nambea, utilisation certificaterangkoba somai gita on•a man•a. Uamang iana bang•bata budgetrangko dabienga, ia bilside kror 16 kosan chingni departmentni gita on•aiaha” ine kobor ra•timgiparangna Baghel aganaha.