Shillong, March 28: Meghalaya a•doko bijoli chu•ongjaengani gimin load shedding ba bijoli kimitaniko dakna nangtelgen indiba manderangni namgnina load shedding-ni somoiko komiatna jotton ka•gen ine Mongolbar salo, Meghalaya a•dokni Chief Minister Conrad K Sangma, ku•rachakaniko on•angaha.

Chief Minister-ni parakatani gitade, batanggimin bilsirangko tosusagenchimode ia chang obostarang namkalbatenga maina ia bilsio February aro March jarangoba load shedding-ko ka•a dongkujaengachim.

Pangna bilside February ja bon•angchibara ba March ja a•bachengaonin bijoliko somoi gita kimitrongachim ine janapatengon, batanggimin bilsignini gisepo sorkari, kamrangko nambate ka•ahani gimin bijoliko nambate on•na man•aha ine Sangma parakataha.

Iakoba poraie nina man·gen: Gaming Act-ko ra•galpilna Assembly-o Bill-ko pass ka•a