Guwahati, Oct 9: Bobil dake chakatgipa dolrangko rim·na sandianirangko dakengon, Arunachal Pradesh-ni Tirap aro Longding a·jarango NSCN (R)-ni sakbri manderangko Assam Rifles, Tirap Police aro Eastern Command Intelligence Bureau (ECIB) bakrime kam ka·anichi Budbar salo rim·aha.
Deomali jolo matnangako man·gipa manderangni re·baani koborko man·soe pringni 7 bajio Mobile Vehicle Check Post-ko (MVCP) a·bachengataha. Pringni 10 bajimango, am·sandienggipa dolrang Mahindra Thar gisimko (registration number AR 12B 3333) dongdipataha. Sandie nion, bobil dake chakatgipa dolrang baksa ru·uta bilsirangoni bakrimenggipa sakbri manderangko nikaha aro uamangko uanon rim·aha.
Rim·ako man·gipa manderang-ara Longding-o dokkan dakgipa Atar Sharma-ko so·otanina matnangako man·gipa sakgni – Longding a·jani Hasi Rusa songoni Pongnap Ponglaham sagini depante SS Brigadier Pholai Ponglaham, aro Longding a·jani Khogla songoni Paman Wangsa-ni depante SS Brigadier Nyaiwang Wangsa ong·a. Uamang baksa sakgni rim·ako man·giparangara – Changlang a·jani New Sallang songo dongdonggipa, Tirap a·jani Revenue In-Charge SS Lieutenant Colonel Sampan Jugli aro Changlang a·jani Malugaon songoni Chatkam Tikhak-ni depante SS Lieutenant Chaijung Tikhak ong·a.
Sandianirangko dakengmitingo, sipai dolrang rim·gimin manderangoniko mobile phone ge·dok, tablet ge·sa, trolley bag ge·sa, duffle bag ge·sa-ko man·aha aro uarang baksana Thar garikoba an·tangtangni jako ra·aha. Atar Sharma-ko so·otanio jak dongana agreba uamang Tirap aro Longding jolrango manderangoniko ra·seke ra·ani aro niam gri kajinarangko gilanioba jak donga ine u·ina man·aha.
Sandianirangko dakangkuna ine uamang sakbriko, uamangoniko man·gimin bosturang baksa salni 12:15 bajimango Deonali Police Station-ni Tirap Police-ni jako on·aha
Assam Rifles, Tirap Police aro ECIB-ni gisepo bakrime aro gisik nange kam ka·anichi dos donggipa manderangko sandianio chu·sokna man·aha aro uandaken Arunachal Pradesh-ni bobil dakgipa dolrang bang·gipa a·jarango tom·tomani aro naljokaniko rakkina on·kange kam ka·aniko mesokaha ine official-rang aganangaha.
Na·simang iakoba nina man·gen:
Na·simang iakoba poraina man·gen: Ramie-ko ge·anina Garo Hills-ni game cha·giparang a·songo mande ra·ako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
