Mallangkona, June 21: Meghalaya a•doko songdongenggipa manderangni naljokani aro uamangko chel•chaksoanian, MDA sorkarini mongsonggipa miksongani ong•enga ine Sukrobar salo, Skotong Minister Conrad K Sangma aganaha.
Assam aro Meghalaya a•dokni sima ari aro West Khasi Hills a•jani Mawshynrut Civil Sub-Division-ni ning•o ga•akenggipa Mallangkona songo, Mallangkona Police Outpost-ni gitalgipa nokko, a•dokni Skotong Minister C K. Sangma, Sukrobar salo nokdonggae on•angaha aro ia somoio ua manderangni naljokani aro uamangko chal•chaksoanian sorkarini mongsonggipa miksongani ong•a ine aganangaha.
Batanggimin somoirango ia jolni sima ari gita, sepangbatgipa Assam aro gipin a•dokni manderangni napsrukbaanichi janggi galgnigipa a•selrang ong•angahachim.
Iandake neng•nikaniko man•enggipa a•dokni gipin biaprangoba, songdong a•chaenggipa manderangko chel•chaksona man•a gita police outpost-rangko songe on•anggen ineba Skotong Minister parakataha.
Ia Mallangkona Police Outpost-ko, Police Infrastructure Renovation Fund (PIRF) scheme-ni ning•o chamatgimin gong 17.5 lakh tangkarangchi rikaha, jekon, da•ode sorkarini rai on•ako ra•na nanggija rika cho•ani kamrangko ka•anio SP-rangni gita fund-rangko jakkalna man•gnok ineba ua janapataha.
Ia nokko rika cho•ani kamrango kam ka•chake on•gipa aro nangnikenggipa bosturangko indin dakchake on•gipa Mallangkona songo songdongenggipa manderangkoba ua mittelpilangaha.
Na·simang ia video-koba nina man·gen:
Na·simang iakoba poraina man·gen: BSF-ni sipairang Umkiang Police Patrolling Post-ko changdula
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
