Shillong, July 9: Deputy Chief Minister Sniawbhalang Dhar, Assam aro Meghalaya a·dokni sima ario donggipa Lapangap-o so·sojengjeng ong·anirangko namatna sorkari kamko ka·enga ine aganaha.
Indake sima ario so·sojengjeng ong·engani bidingo chanchirimna inenba, a·jani Deputy Commissioner, Superintendent of Police aro a·jani officialrangni dongpaanio West Jaintia Hills a·jani committee-ni Sombar salo tom·bimonganiko ong·atangaha.
Obostarang da·o dipet tom·tomaha aro jolo songdongenggipa manderangni naljokanina chel·chaksogipa dolrangko bang·en donenga ine Dhar aganaha.
Jolo songdongenggipa manderangni kamtangtangko ka·na jajrengengani bidingo janapengon, manderangni naljokanina chel·chakgipa dolrangko watatchina mol·molahani gimin konta 24-na chel·chakaniko on·china chel·chakgipa dolrangko watataha, uni gimin jajrengna nangjawa aro unbaksana songni manderangko grongenba maming kena gri kamtangtangko ka·na didichina DC-ko ge·etaha ine janapataha.
Indake a·dok damgnini gisepo tom·tomaniko ra·bana gita Meghalaya aro Assam dolgnini Police-rang ua jolo namen nirokaniko dakenga aro dolgnini gisepo so·sojengjeng ong·anirang tom·tom ong·ahaon nipiltaianiko dakenba dolgnini gisepo chu·gimik tom·tomaniko rakkina Assam-ni dilgiparang baksa tom·e chanchirimaniko dakanggen ineba Dhar aganaha.
Regional Committee-ni kam ka·engani bidingo janapengon, Rattacherra-ni kamrang matchotman·aha aro Khanduli-Psiar aro Block 1-ni bidingo chanchirimaniko dakengkua. Indake mitam obostarangko namatna ru·uta somoirangko nanggenchimoba jolo songdongenggipa manderangni naljokanina sorkari kamko ka·enga ine Dhar janapataha.
Na·simang ia video-koba nina man·gen:
Na·simang iakoba poraina man·gen: Permit donggipa garirangko darangba champengna niam dongja: DTO
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
