Imphal, Aug 27: Manipur State Legislative Assembly-ni Special Session-ko ong·atanio Kuki aro Zo MLA-rang, chong·motan Kuki Inpi Manipur (KIM), Kuki Students Organisation -General Headquarters (KSO-GHQ), Kuki Chiefs Association (KCAM) aro Kuki Women Union (KWU)-ni dilgiparang, bakko ra·jana gita tik ka·angaha.

Iani bidingo kosako janapgimin dolni dilgiparang, dingtangmancha tom·e chanchirimangenba, Manipur a·doko songdongenggipa Kuki-Zo manderangni namgnina ia Assembly session-o an·tangtang dongpaanichi ba video conference gitaba bakko ra·jana tik ka·angaha.

Kuki Inpi Manipur dolni parakatani gitade, Manipur sorkarini kamrango Kuki-Zo manderang ka·dongchakna aro bebera·na man·jahani gimin Kuki-Zo dilgiparang, Manipur sorkarini kamrango bak ra·na nangnikjaengaha.

Assembly-ni Special Session-ko ong·atanio maiba resolution-ko ra·na nanggenchimoba, ia niamrangchi Kuki-Zo manderangnade nangchakeaniko ra·bana man·jawa aro iandakgipa niamrangko ra·chakna man·jawa ineba KIM dolni dilgiparang parakataha.

Manipur a·doko so·sojengjeng ong·anina Meitei-rangko aro Chief Minister N Biren Singh-ko matnangatengon, ia so·sojengjeng ong·aniko namatna gitade Manipur sorkarini bakrimanichi Kuki-Zo manderangna dingtang a·dokko aro sorkariko on·anian ong·gen ine KIM dolni information & publicity secretary Janghaolun Haokip parakataha.

Indake ong·engon, Imphal a·kaweonikon a·brini manderangkode a·rikgalmanahani gimin a·brini manderangnade Manipur Assembly-ara maming namgnian dongjaha ine ITLF-ni ku·wattimgipa Ginza Vaulzong parakatskaaha.

Iakoba poraie nina man·gen: CoTU, Manipur-o AFSPA-ko ra·bapiltaichina dabianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub