Imphal, Nov 21: Manipur, Tamenglong a•jao donggipa Pangmol songni Kuki-Zo me•chik Nengboi Doungel, Assam-ni Hmarkhawlien relief camp-o demechik saksako an•pakani salon uni segipa Haojoel Doungel-ni manggisiko, ChuraChandpur-ni Lamka-ona sokbapilani koborko man•soaha.
Haojoel-ni janggi galaniara uni pagipa ong•e ka•saani aro jikgipana kim•kim ong•aniko mesoka. Haojoel, jensalo uamangni atchiram biapo obostarang namjabatrorona a•bachengaha, ua uni nokdangni manderangko Assam-ni relief camp-ona re•dilangahachim. Iani gisepon, uni jikgipani bi•sa an•pakani sal sepangahani gimin ua tangka paisani gita dakchakaniko am•na gita Jirighat-ona re•angmiting somoio Meitei jatrang aro Arambai dolrang baksa bak donggipa bobil dolrang Haojoel-ko rim•srukangaha. Uni manggisio mata buani dagirangko nikenba uko ka•saninggija doka satanirangko dake so•ote galaha ine u•ina gita man•engon, uni janggigrigipa bimangko Jiribam-ni Anglapur song sambao donggipa culvert-o gale donangaha.
Nengboi, da•o uni bi•sa sakgniko saksan neng•skime dal•atna nang•ao ga•akengon, uni atchidaldalgipa bi•sade pagipakon u•irikjaha. Relief camp-o on•enggipa dakchakanirango pangchakna gita nangengon, mikkangchi uamangna mai onggen u•isona gita man•jagenchimoba, relief camp-o dongenggipa pilak dukko ga•akenggipa manderangni ka•dongani gitan uni gisikoba ka•donganiko nikna gita man•a.
Haojoel-ni siani ian Manipur a•doko so•so jengjeng ong•anichi bang•a nokdangni manderangko gimaatna nange gisiko duk saknaa man•aniko gisik ra•atani ong•a aro iandakgipa obostarang ba so•so jengjeng ong•anirangko ta•raken bon•atna nangchongmotaniba ong•a.
Na·simang ia video-koba nina man·gen:
Na·simang iakoba poraina man·gen: Online badinganio cha•bokgiparangko CBI am•sandiengkua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
