Imphal, June 14: Batanggimin konta 24-rangni gisepo, Manipur-ni Khamenlok minggipa biapo kajia-golmal ong·piltaianichi me·chik saksako man·chape komibeoba saksku manderang so·ota man·aha aro bang·aan jokkom ong·aha ine Butbar salo koborko man·soaha.
Koborni gitade, golmalrang ong·anichi mata-bu·a man·gipa manderangko sambajolni hospital-ona ra·ange sana-bananiko on·enga. Indake ong·engon, sianggiparangni manggisioniko dingtang dingtang matanirangko aro slai gulli nanganirangkoba nikna gita man·aha ine koboroniko knasona gita man·enga.
Iani bidingo, sianggiparangko rate porikka ka·atani kamrangko ka·chakatengaha ine Imphal East-ni SP Shivkanta Singh koborna parakataha.
Batanggimin somoionin Manipur a·doko so·so-jengjeng ong·anganirangko tom·tomatpilna rake kamrangko ka·atengani gisepon gital dake a·dokni ning·o kajia-golmalrang ong·piltaienganiara sorkarina aro a·dokni manderangna maming ka·dongani gri gita ong·skaenganiko nikna man·enga.
Manipur a·dokni a·kawe jolo jelbatgipa Meitei jat aro a·bri jolo songdonggipa Kuki jatni gisepo dingtang dingtang obostarango meligrikna man·jani a·sel kajia-golmal namen dal·anganichi re·anggipa May 3 tarikonin Manipur a·dokni manderang ia somoirang kenchipchipesa dongna gita nangtokengachim ineba nikatna gita man·gen.
Iakoba poraie nina man·gen: Matchurango sabisi ong·katengani gimin dud aro be·enko name song·e cha·china ku·pattia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
