Imphal, May 10: Manipur a•doko Meitei aro dingtang dingtang Tribal jatrangni gisepo dinggrikanichi so•sojengjeng ong•anirangko nikna man•engon, Manipur a•doko Nagaland a•dokni bang•a manderangba jachange dongna nangtokengani gimin Nagaland a•dokni manderangko Assam Rifles-ni sipairang, bakgni dake Nagaland a•dokona rimongkatangaha.

Skanggipa bako Nagaland a•dokni sak 676 manderangko, IGAR (North)-ni Deputy Inspector General Brigadier Ved Beniwal-ni dilanichi rimongkatangaha aro gnigipa bako Thoubal Yoripok-oni sak 47 Konyak me•chikrangko man•chape gimik sak 553 manderangko, 1 Assam Rifles-ni Commandant Colonel Umesh Sati-ni dilanichi rimongkatangskaaha.