Imphal, Jun 20: Manipur a•doko Kuki-Zo jatrangna Union Territory dabianiko bilakbatatna gita re•baenggipa Sombar salo, Lok Sabha-ni skanggipa Session-ko a•bachengatanio, so•sojengjeng ong•atani gri jingjengatna tik ka•angaha ine Bristibar salo, Indigenous Tribal Leaders Forum (ITLF) parakataha.
Ia jingjengataniko ong•atani bidingo kobor ra•timgiparangna talate on•angengon, Manipur a•doko dingtang dingtang jatrangni dinggrikanichi Kuki-Zo jatoni bang•a manderangan siangna nangaha, nok-jamrangko aro ma•manti gam-jinrangko gimaatna nangaha indiba da•alonan sorkarini gita maming dakchakanirangko man•kujaengani gimin Article 239A-ni ning•o Union Territory-ko on•china dabienga aro ia dabianiko bilakbatatna gitasa uamang Sombar salo tom•tome jingjengatna manchiaha ine ITLF media cell-ni ku•wattimgipa Ginza Vualzong parakataha.
Autonomous District Council (ADC) election-ko ong•atjachina dabiangengon, ADC election-ko ong•atna Manipur sorkarini parakataniara Kuki Zo Tribal-rangni gisepo bak dakna miksonganisa ong•enga ine Vualzong parakataha.
ITLF-ni parakatani gitade, Manipur a•dokoni ma•ekna gita Kuki Zo jatrangni dabianiko knachakjaengani gimin uamang ADC election-o bak ra•jachina gita manderangko mol•molaha.
Free Movement Regime (FMR)-ko ra•galna gita ma•mong sorkarini tik ka•gipani bidingo janapatskaengon, India aro Myanmar a•songni simarango manderang jakgitele re•rurana man•na gita ma•mong sorkarini manchianiko dingtangatchina mol•mole uamang, Union Home Minister Amit Shah-na sedoataha ine ITLF media cell-ni ku•wattimgipa parakataha.
Na·simang ia video-koba nina man·gen:
Na·simang iakoba poraina man·gen: Nagaland-ni Salaram jolo ULB polls-na nomination ka•giminko candidate-rang ra•pila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
