Imphal, Mar 22: Manipur a·dokni Ukhrul a·jao so·sojengjeng ong·anirang batroroengon, Sonibar attamo me·chikma saksa, an·tangni depante baksa biap damsao, gogrikmitingo konta gittam batpile jachange dongna nangaha aro ja·manosa uamangko Army-rang jokatena man·aha.
Koborko on·ani gitade, ia a·sel ong·ani Sonibar attam 3:14 bajimango, Lungter Kaphung samba jolo donggipa Ihang chibima sambao ong·aha. Ua somoio Sorin Phungshok minggipa me·chikma saksa, Chichumi Phungsok minggipa uni depante baksa kobi akna ine baganona re·angahachim indiba indakmiting somoio rang·san Kuki bobil doloni ong·na nanga ine chanchichipenggipa manderang, Lungter a·bri joloni silchidarerangchi gona a·bachengaha. Silchidarerangchi gona a·bachenga bakan uamang ma·ningsa a·ao tuchikkope, siksakna-il·engna man·gija dongna nangaha. Silchidarerangchi gogrikengmiting somoio uamang ma·ningsani an·tangtangko jokatna jotton ka·engmitingko da·o social media-rango video-ko niksona man·aha.
Batanggimin sal somoirangonin Tangkhul Naga-rangni songdongram, Sinakeithei songrango, gogrikanirangko nikna man·engani gimin, ia jolrango manderang, kenchipchipe janggi tangna nangtokengachim.
Ia ma·ningsa, konta gittam batpile, a·ao tuchikkope chake dongani ja·man Mahar Regiment-ni sipairang, uamang ma·ningsako jokatena man·aha aro ja·mano naljokgipa biapona sokate on·angaha.
Na·simang iakoba nina man·gen:
Na·simang iakoba poraina man·gen: Assam Election: Sakgittam Gogoi-rang Himanta baksa susaanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
