Tura, Mar 22: A·chik chadamberangna jatni doka dam·ani, Wangala chrokani aro grikaniko skie on·na gita re·anggipa March 16 tarikoni 22 tarikona A·chik Literature Society (ALS)-ni regional workshop-ko North Eastern Hill University (NEHU) Tura Campus-o ong·atangaha aro ia workshop-ko ong·atanio dingtang dingtang biaprangoni sak 100-na baten chatro chatrirang bak ra·angtokaha.
Ia salbongana ong·atanggipa workshop-o jatni doka dam·anirangko dokna dam·nasan ong·aigija chigring, dama aro bangsi gita dakgipa bosturangko tarinaba skie on·angaha.
Ia regional workshop-ko matchotatani salo, NEHU Tura Campus-ni Pro-Vice Chancellor Prof Fameline K Marak-ba dongpae jinmana aganprakangengon, bida budiko skie ra·an baksana jatni daka rikanirangkoba ma·sie ra·china chadamberangko didiangaha.
Ia workshop-o ALS-ni president Prof Caroline R Marak-ba jinmana aganprakangengon, A·chikrangara an·tangtangni doka dam·ani, ku·aganani, a·song aro daka rikanirang baksa janggi tanggipa jat ong·a ine aganangenba, ta·rakbee dingtangroroenggipa a·gilsako, jatni daka rikaniko ripinge rakkina nangengani gimin janapangaha.
A·chik chadamberang, jattangni daka rikani, chrok mesaani, ring·ani, ku·aganani aro sea jotanirangko skie ra·na man·na gita 2010 bilsionin A·chik Literature Society, iandakgipa workshop-rangko bilsiantian ong·atrongenga.
Na·simang iakoba nina man·gen:
Na·simang iakoba poraina man·gen: Manipur-o ma·ningsa sakgni gogrikmitingo jachange dongna nanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
