Imphal, May 18: Dingtang dingtang jatrangni gisepo so•sojengjeng ong•anichi neng•nikanirangko man•enggipa Manipur a•dokona manderangni nangchongmotgipa bosturangko salangenggipa truck garirangna Army aro Assam Rifles-ni sipairang chel•chakanirangko on•enga.

Official-rangni u•iatani gitade, re•anggipa May 15 tarikonin manderangna merong, sam aro uandakgipa nangchongmotgipa bosturangko bol 130-mangni gita truck garirango salangaha aro ia truck garirangni re•ruraaniko Army-rang drone-rang gitaba nirokenga.

Manipur a•doko so•sojengjeng ong•ani ja•man ramarang champengatako man•e manderangni nangchongmotgipa bosturangko salanganio neng•nikanirangko chagrongna nangahachim indiba da•o bosturangko salangenggipa truck garirangna Army aro Assam Rifles-ni sipairang chel•chakanirangko on•engaha ine Defence PRO parakataha.