Shillong, Nov 16: Bristibar salo, Meghalaya Cabinet tom·e chanchirimangenba, Meghalaya Board of School Education (MBOSE)-o class 1-oni class 10-ona NCERT-ni ki·taprangko ra·gatna tik ka·angaha aro ki·taprango jatni daka rikani, itihasrang aro dingtanganikoba ra·chapna tik ka·angaha.

Meghalaya a·dokni Chief Minister Conrad K Sangma-ni parakatani gitade, a·doko poraienggipa chatro chatrirangko a·songni gipin bakrango poraienggipa chatro chatrirang baksa apsan ong·atna aro a·songni gadango susagrikpana man·na gita MBOSE-oba NCERT-ni ki·taprangko ra·gatna tik ka·angaha.

Education department-o ge 187 kamrang bangbang ong·e dongengani gimin ia kamrango ta·raken kam ka·giparangko gapatna man·na gita Cabinet ia apsan salon, Education Recruitment Board-ko songna gitaba tik ka·angaha aro ia sak 11 membor-rang donggipa board-ko additional chief secretary ba education department-ni principal secretary dilanggen ine tik ka·angaha.

Chief Minister-ni parakatani gitade, Labor department-ko Labor, Employment & Skill Development department ine mingskana gitaba Cabinet-ni tom·anio tik ka·angaha.

Iakoba poraie nina man·gen: Pekatgipa bosturangko badinggipa sakgni manderangko rim•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub