Tura, Apr 7: Ia 2026 bilsini Secondary School Leaving Certificate (SSLC) porikkani result-rangko Mongolbar salo Meghalaya Board of School Education (MBOSE) parakataha aro ia bilsini result-o, Tura-ni Embee Rosebud Higher Secondary School aro Pechon A Sangma Memorial Police Public Seccondary School-ba, Top 20-ni gnigipa aro gittamgipa biaprangko man•e, skultangnasan ong•aigija Garo Hills gimiknan mikkim rasongko ra•baaha.
Ia bilsini SSLC porikkao, Garo Hills-oniba adita sak chatro chatrirang, Top 20-o biaprangko man•rikpaaha indiba A•chikrangonide chatro sakgnisan Top 20-o biapko man•rikpaaiaha aro uan A Regular-II candidate Emalton D Marak aro Tura Sherwood School-ni Adiel R Sangma ong•a.
Top 20-ni gnigipa biapko Embee Rosebud HS School-ni chatro Vishal Kumar, gimik 576 mark-rang baksa man•aha aro gittamgipa biapko Pechon A Sangma Memorial Police Public Secondary School-ni Prinita Das, 575 mark-rang baksa man•rikskaaha.
Top 20-ni gnigipa biapo pass ka•gipa Vishal Kumar, Hub News baksa agangrikengon, an•tangni chu•sokgipa ong•anina skulko aro an•tangni pa•a paako mittelpilangaha. A•bachengode ua kontasa ba kontagni dakesan porikkana poraisoaiachim indiba porikka sepangbaroroahaon ua salo kontasni ka•e poraina a•bachengskaaha ineba Vishal aganaha. Mikkangchi ua Science-ko ra•e poraiangkuna miksongenga ineba Vishal parakataha.
Ia porikkao Vishal Kumar-ni namgipa result-ko man•ahani gimin Embee Rosebud skulni director-ba an•tangni kusi ong•aniko parakataha. Ua pre-nursery-onin poraina gisiko nanggipa ong•e namgipa result-rangko man•ronga ineba ua aganaha.
Top 20-ni gittamgipa biapo pass ka•gipa Prinita Das-ba Hub News baksa agangrikengon, an•tangni chu•sokgipa ong•anina Isolko, an•tangni ma•a paako aro skigiparangko mittelpilangaha.
Social media-ko ua skie ra•na gitasa jakkalahani gimin bang•en namgniko man•aha ineba Prinita aganaha.
Mikkangchi ua neurosurgeon ong•na miksonganirang dongani gimin da•o science-ko ra•e ja•mano medical skulo napgen ineba Prinita parakataha.
Prinita Das-na agreba Top 20-o Pechon Memorial skuloni 11-gipa biapo pass ka•gipa Tushar Das aro 18-gipa biapo pass ka•gipa Pragati Gupta-ba donga aro uamang sakgniba an•tangtangni chu•sokaniko tikkelani a•sel man•gipa biterang gita toe aganangaha.
Sherwood School-oni ia chang Adiel R Sangma baksana 20-gipa biapo pass ka•gipa Churchill Leithamthem-ba Top 20-o biapko man•rikaha.
Na·simang iakoba nina man·gen:
Na·simang iakoba poraina man·gen: BJP, Sribhumi-o ong·atgipa tom·bimonganio ding·chaoatgipa kattarangko agananina Mallikarjun Kharge-ni kosako FIR-ko segata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
