Shillong, May 20: Meghalaya Board of School Education (MBoSE), Secondary School Leaving Certificate-ko senagipa private candidate-rangna registration ka·aniko a·bachengatengon, a·dok gimikni porikka senagipa kragipa candidate-rangko ra·chakgimin exam centre-rang gita bimung segataniko dakchina u·iataha.
U·iatani gitade, seoka man·gimin SSLC Examination Centre-rang mangmangsan private candidate-rangko segatna gita man·gen. Iano kragipa candidate-rang inon, tangka paisani gita neng·nikaniko man·e skul re·aniko dongtonggiparang, 2025 bilsiona porikka sena on·gimin cholrangko jakkalmangiminrang baksana kal·susaani ba changa sapanio gisiko nanggipa chatro chatrirangko man·chapa. Private candidate ong·e bimung segatenggiparang Meghalaya a·doko songdongkamgipa ong·an baksana songdongkamgipa ong·ani chong·motgipa lekka pancharangkoba on·a nanggen.
Board-ni gita bilsi dal·gimin je bilsi ong·oba private candidate ong·e porikka sena gita man·aigen ine u·iatgenchimoba, December jani 31 tariko porikka senagipa candidate bilsi 15-de gapna nangskagen ineba janapataha. Uamang skulo poraianiko dontonggipa chatro chatrirangna waiting period-koba a·bachengate on·angaha, jeni miksonganian uamangni matchotanggipa klas aro uni dontongani bilsi chu·onga ong·ode uno pangchakesa uamang bimung segatna gita man·gen. Meghalaya Board of School Education, Examination Centre Official-rang lekka pancharangkosan niaijawa, indiba uamang candidate-rang porikka seanina tarisogimin ong·ama ong·ja chong·motan noko donge poraigipama ma skul re·gija dingtang bewalo poraigipama uarangkoba nianggen ine u·iatangaha. Indake ong·engon, Board-ni gita private candidate-rangna on·gimin niamrangko jakkalsretjachina manderangna mikrakataniko on·atengon, 2026 bilsini June 30 tarik registration ka·ani bon·kamgipa sal ong·enga ineba u·iatangkuaha.
Na·simang iakoba nina man·gen:
Na·simang iakoba poraina man·gen: ADC-rang UC-rangko on•kujani a•sel JJM-ni grorangko gamna man•kujaenga: PHE Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
