SHILLONG, FEB 2: National Federation of State Cooperative Banks-ni (NAFSCOB) gadang gni nie nianirangko dakenba a•songo nambate dakenggipa State Cooperative Bank-rangoni ge•sa ong•anina Financial Year 2024-25-na Meghalaya Co-operative Apex Bank Ltd-ko(MCAB) gittamgipa boksisna seokaha.
Ia boksis-o Trophy, ba•ra chinnani (shawl) aro mitelani plaque-ko man•gen aro uko Gangtok, Sikkim-o ong•atnasienggipa Award Function-o on•atgen.
2020-21, 2021-22 aro 2023-24 Financial Year-rango skanggipa, gnigipa aro gittamgipa boksisrangna NAFSCOB ia Bank-ko seokaha.
Ia Bank-ko 1971 bilsio a•bachengataha aro a•dokni dingtang dingtang biaprango uni bipekrang donga baksana dingtang dingtang electronics aro banking service-rang jekai ATM-rang, mobile banking aro Unified Payments Interface-rangko on•enga. Ia Bank namedaken laprangko man•enga aro Central Payment Systems-ni direct member ong•enba an•tangni IFSC-ko man•aha.
2019 bilsio, ia Bank, Reserve Bank of India Act, 1934-ni Second Schedule-o chanchapako man•aha aro ian dal•begipa chu•sokani ong•a.
Re•anggipa adita bilsirango, ia Bank-na uni nambee dakenganina Ministry of Rural Development, India sorkari, SHG Bank Linkage-na boksisko on•a baksana Income Tax Department-ba uko Top Tax Deductor ine donaha.
