TURA, March 5: Sukrobar salo MDA sorkarini bilsi 8 ong·aniko Tura-ni P. A. Sangma Sports Complex-o ong·atnasiengon, security-rangko bilakbate donanirangko aro garirangko salruraani bidingo tarisamsoanirangko dakenga ine West Garo Hills, East Garo Hills, aro North Garo Hills-ni district administration-rang, manderangna parakataha.
Uandake, ia manianiona dingtangmancha sokgiparang aro jinmarang mamung kenani gri bak ra·ena man·a gita administration-rang police-rang aro gipin department-rang baksa namedake tarisamsoanirangko dakaha ine district authority-rang aganangaha.
“Re·bagiparang pilakan namedake aro tom·tome bak ra·ena man·na gita pringwalonin chu·onga gita security-rangko aro Executive Magistrate-rangko kamo donataha,” ine jinmana u·iataniko on·ataha. Una agreba, pilak bak ra·giparangko naljoke rakkina aro dongimin niam-retirangko ja·rike manianiko dakangna pilak nanggipa ja·ku de·anirangko dakangaha ine administration-rang agandapangaha.
Ia tom·bimonganio kenani gri bak ra·china aro sorkarini chu·sokanio bakrimchina pilak songdonggipa manderang aro dingtang dingtang dolrangnaba didianiko on·angaha.
Indake ong·engon, manderangni tom·tomaniko jingjengatna aro tom·bimonganiko so·sojengjeng ong·atna jotton ka·genchimode, niamni gita bichalona ra·bagen ine authority-rang mikrakataniko on·ataha.
Na·simang iakoba nina man·gen:
Na·simang iakoba poraina man·gen: Kamo rimnapa man•gipa gital police-rangna appointment letter-rangko sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
