Goeragre, Mar 5: Meghalaya Police-o rimnapa man•gipa gital police-rangna appointment letter-rangko sualatna gita Bristibar salo, dingtangmancha program-ko Goeragre-o donggipa 2nd MLP Battalion headquarter-o ong•atangaha aro ia program-o a•dokni Chief Minister Conrad K Sangma-ba dongpae bak ra•angaha.
Ia program-ko ong•atanio, sak 2,968 gital police-rangna appointment letter-rangko sualataha.
Ia tom•anio a•dokni Chief Minister aganprakangengon, ian a•dokna gisik ra•beani sal ong•gen maina ia salo, a•dokni itihaso bang•batsranggipa appointment letter-rangko sualatani ong•enga aro ian a•dok sorkarina namen rasong chaani ong•enga ine parakataha.
Meghalaya Police-ni dingtang dingtang kamrangna, sak 1,70,000-na baten manderang dorgastorangko galaha aro da•alo sak 3000-mang ong•na sipile kamo rimnapako man•gipa manderang, an•tangtangni appointment letter-rangko ra•chakenga ine janapatengon, indita sak gital police-rangna appointment letter-rangko sualatna man•aniara Police department-naba kusini aro chu•ongnikaniko ra•baani ong•aha ine Sangma aganaha.
Police-rangni daitorangko talate on•angengon, police-rangni kamara, sorkariko chalaiani aro namroro silroroaniko ra•baanioba bak ong•aia ine Chief Minister aganaha.
Niam reti gride maming kamkon chu•sokatna man•ja ine janapatengon, da•alo ia gital rimnapako man•gipa police-rangba, a•dokni tom•tomani aro naljokanina daito donggiparang ong•gnok ine Chief Minister aganaha.
Niam retiko rakkina gita kamko ka•engon, manderangna bamani gnang dangdike on•china gitaba gital police-rangko Chief Minister didiangaha.
A•doko police-rangni kamko mangrakbatatna gita rakbee kamrangko ka•engani gimin a•dokni Chief Minister, Director General of Police (DGP) Idashisha Nongrang aro Home (Police) Department-koba mittelpilangaha.
Ia tom•anio a•dokni Deputy Chief Minister aro Home Minister Prestone Tynsong-ba aganprakangengon, kamna seokanio chu•sokgiparang ong•ahani gimin gital police-rangna an•tangni namgipa skaniko on•angenba, police-rangni dakna nanggni kamrangko agan-talate on•angaha.
Na·simang iakoba nina man·gen:
Na·simang iakoba poraina man·gen: ASMITA-Khelo India, Women’s Day-ko W’nagar-o manigen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
