Williamnagar, Mar 5: Achieving Sports Milestone by Inspiring Women Through Action (ASMITA) program, India sorkarini Khelo India baksa nangrime March-ni 8 tariko, International Women’s Day-ko Williamnagar-o manianggen aro ia salko maniani bak gita kal•susaanirangko ong•atanggen. Ia salko maniaona chatro chatrirang aro chadamberangko re•bae bak ra•china gita u•iataha.
Iani bidingo u•iataniko on•angengon, ia bilsio Fit India Movement-ko ra•dona aro dingtang dingtang kal•susaanirango me•chikrangkoba bak ra•china didina gita International Women’s Day-ko dingtange aro orto dongbatate manichina India sorkarini Youth Affairs & Sports Ministry u•iataha ine My Bharat Kendra, Williamnagar-ni Joint Director Linda BK Sangma parakataha.
National ASMITA program-ni bak gita bilsi 13-oni bilsi 15 aro bilsi 15-oni bilsi 18-ni ning•o ong•gipa me•chikrangna robol kal•susaaniko ong•atna gita Williamnagar-koba kal•chakram biaprangoni damsa dake seokaha ineba Sangma parakataha.
Ia program-na India a•song gimikoni dam 250 a•jarangkosan seokaiaha aro Williamnagar-ba ia biaprangoni damsa ong•pana man•ahani gimin namen rasong gnanggipa ong•a ineba ua aganaha.
Ia program-ko re•baenggipa March-ni 8 tarik Robibar pring 10:00 bajioni Rongrenggre Synthetic Football Turf-o a•bachengatenga ine u•iatengon, ia salara Robibar salsa ong•genchimoba, India sorkarini dongimin niamo pangchake ia program-ko ong•atanggen ine Sangma parakataha.
Ia program-ona re•bae ba ra•echina gita Sangma, East Garo Hills a•jani ning•o donggipa dingtang dingtang skul aro college-ni chatro chatrirangko, kal•susaanio gisik nanggipa manderangko aro ramram manderangkoba didiataha.
Na·simang iakoba nina man·gen:
Na·simang iakoba poraina man·gen: India-ni Communist Party (Marxist) aro TIPRA Motha-ko watgale sak 192 manderang BJP-o napa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
