Tura, Nov 18: Dalu jolo donggipa Mebitpara songo, Mount Hermon English School-ni gital nokko Mongolbar salo, Meghalaya a•dokni Chief Minister Conrad K Sangma nokdonggae on•angaha aro ia skul nokko nokdonggaanio, 56-Gambegre constituency-ni MLA Dr Mehtab Chandee A Sangma-ba dongpae bak ra•angaha.
Ia gital skul nokko, Chief Minister’s Special Development Fund (CMSDF)-NGO Category-ni ning•o, 2024-2025 bilsio Dalu C&RD Block gita chamatgipa gong 5,96,000 tangkarangchi rikaha.
Ia gital skul nokko nokdonggae on•anganio a•dokni Chief Minister, jinmana aganprakangengon, ian skanggipa changna uamang jiksesani skul nokko nokdonggae on•ani ong•engani gimin ian namen dingtangmanchagipa sal ong•a ine aganaha.
Ia skul nokko nokdonggaaniara, Gambegre MLA Dr Mehtab Chandee-ni namroro silroroaniko ra•bana ku•rachakaniko chu•sokatanio skanggipa ja•ku de•ani ong•enga ineba Chief Minister aganaha.
CMDSF-ni ning•o dakchake on•gipa tangka paisarangchi rikgipa gital skulko nokko nokdonggae on•na man•ahani gimin an•tangni kusi ong•aniko parakangengon, lekka poranian bi•sarangko gisik aro be•enni gita dal•rorona dakchakgipa ong•ani gimin ia skulan, Mebitpara aro samba jolrango donggipa dingtang dingtang songni bi•sarangna a•gilsakni seng•aniko on•na dakchakgen ine Chief Minister, an•tangni ka•dongchakenganiko parakangaha.
Gambegre aro samba jolrango donggipa songrangna namroro silroroani kamrangko ra•baani bidingo janapatengon, Ampati-oni Purakhasia-ona kilometer 28 ong•gipa ramako tarianio, skanggipa km 4-ni ramanade state scheme-ni ning•o a•dok sorkari, gong crore 7.46 tangkarangko chamataha aro ianoni rama tong•sakode taria matchotaha ine Chief Minister parakataha.
Ia ramani km 5-gipaoni km 20-gipaonade PMGSY-ni ning•o gong crore 13.78-ko chamataha aro kamrang 15 percent-ni gita matchotaha aro km 21-oni km 28-onade World Bank-ni gita gong crore 66 tangkarangko chamatskaaha ineba Chief Minister parakataha.
Lekka porani kamrangko namdapatanian ia sorkarini mongsongbatgipa daito ong•enga ine janapatskaengon, dingtang dingtang neng•nikanirangko chagrongna nangengoba chatro chatrirang, skigiparang aro lekka porani kamrango bak ong•enggipa pilakni namgninan a•dok sorkari, dingtanganiko ra•bana rakbee kamko ka•enga ine Chief Minister aganaha.
Ia tom•anio a•dokni Chief Minister, FOCUS+ programni giminba talate on•angaha aro songni nokni manderangko ia gital format FOCUS+ program-o biming segatchina didiangaha.
Ia skul nokko nokdonggaanio, Gambegre-ni MLA Dr Mehtab Chandee A Sangma-ba jinmana aganprakengon, ian ia songni manderang baksa uni skanggipa tom•aniko ong•engoba ua songni nanganirangko ma•sia aro songni nangani kri ua man•a dipet dakchakanirangko on•na jotton ka•gen ine ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Zubeen sagini chang 53-gipa atchiani salo manderang uko mande ra·aniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
