Tura, Sept 4: Garo Hills Autonomous District Council-ni tangka-paisani bidingo neng·nikani aro Tura Medical College-ni obostani bidingo Tura Circuit House-o ong·atgipa tom·anio saksa medical poraienggipa chatro-ni a·dokni Skotong Minister Conrad K Sangma-ko mande ra·gija dakahanina National People’s Youth Front (NPYF) uko skotong minister-o, senior citizen-rango aro NGO-rango kema bi·china dabiaha.
Ia tom·anio, medical college-o Public-Private Partnership mode-o kam ka·ani namgnirang aro neng·nikanirangni gimin agangrikanirangko dakaha aro uano bak ra·gipa bang·a manderangan an·tangtangni chanchianirangko agantokaha. Indake ong·genchimoba, medical poraienggipa chatro saksani dakbewalko bang·a manderangan jegaltokaha.
NPYF-ni working president Anclucis M Marak-ni aganani gitade, ua chatro an·tangni u·i-ma·sigijani, gisik sokmangijani, aro namgipa cholon-bewal donggijaniko mesokaha aro uandake mande ra·gijaniko dakaha.
“Uni bewal-ara namgija aro mande ra·gijanisan ong·aija indiba medical poraienggipa chatro-na namen dakna kragijani ong·a. Ua chatro namgija miksongani donge ia namgipa tom·tomgipa tom·bimonganio kajia-golmalko a·bachengatna inenba iandakgipa bewalko mesokahakon,” ine ua parakataha.
“Uandake ua a·dokni Skotong Minister-o, aro tom·anio bak ra·gipa senior citizen-rango aro NGO-rango kema bi·china NPYF dabienga. Meghalaya-ni niamran aro dakbewalrango saksa sakgipinko mande ra·grikaniko daka aro ua iarangko iarangko ja·rikjahani gimin, ua jeni kosako dos dakaha, una agreba Meghalaya-ni manderangoba kema bi·na nanga,” ine Marak aganangaha.
Una agreba, Skotong Minister-ni office-ko ba senior citizen-rangko aro songni-nokni dilgiparangko mande ra·gijaniara ra·chakna amgijani ong·a ine ua mikrakataniko on·aha.
NPYF pilak dolrangko aro mongsongbate chadamberangko namgipa cholon-bewalo ja·rike, mande ra·e, an·tangko bamate aro saksa sakgipinko knachake agangrikanirangko dakchina mol·molataha.
“Namgipa bakrimanichisan an·ching bilakgipa aro silrorogipa Meghalaya-ko ku·cholsan rikna man·gen,” ine Marak agandapaha.
Na·simang iakoba nina man·gen:
Na·simang iakoba poraina man·gen: TV, garirangni GST-ko komiata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
