Shillong, July 15: Indita bilsirangna Meghalaya Energy Corporation Limited (MeECL)-ko name chalaina man•jaengani gimin aro indita tangka paisarangko koros ka•e ostrorangko breani ja•manoba kamrangko name ka•na man•jaengani gimin inquiry-ko dakchina gita MeECL-ni Power Engineer-rang dabiangtokaha.
MeECL-ni bidingo inquiry-ko dakchina dabiangengon, MeECL-o kam ka•enggipa official-rangoni saoba tangka paisarangko jakkalsretenga ong•ode iandakgipa official-rangni kosako rakgipa ja•kurangko de•china Association of Power Engineers MeECL-ni president Anju Dkhar dabiangaha.
MeECL-ko chalaina gita krorni kror tangkarangko loan ra•e a•dokna boja ong•engani gimin mikkangchi loan-rangko ra•jachina aro MeECL-ko chu•gimik jakgitele chalaina man•na gita IT wing-ko songkamchina gitaba engineer-rang dabiangaha.
