24.3 C
Tura
spot_img

MeECL-o kam kagiparang jegalanirangko dakanga.

Must read

Shillong, Nov 27: Meghalaya Energy Corporation Limited (MeECL) ni neng•nikaniko janape Opposition-ni dilgipa Dr Mukul M. Sangma ‘MeECL-ko matchu dud sepgipa gita jakkalaha aro uamangni mikrakgijanian MeECL ko ganggilatgen’ ine aganangaha.

MeECL-o kam ka•giparangni ba•ra gisimko nisan ra•e jegalaniko dakani salsa ja•mano kobor ra•timgiparangna aganengon, ”Nikanigitade ian political party san ong•gija MeECL-o kam ka•giparangba nanganiko aganaha aro uamang agangija dongna man•jaha, a•dokna namgnini giminan uamang aganaha’ ine Dr. Sangma agandapangaha.

Uamang jegale dakmesokengon, ian mingsa chanchiningna nanggipa kam ong•a ineba ua aganangkuaha. Opposition Congress dol Sorkarina ong•gija kamrangko mesokna batanggimin jarango jotton ka•achim ineba ua agandapangaha.

Batanggimin jarangni gisepo A•dok Sorkarina nanga kamrangko ka•e MeECL ko naljokatna cholrangko am•china chinga jotton ka•angahachim jean organisation-ko jokatna nangchongmotgipa ong•achim. MeECL-ko dud sepgipa matchugita chacha dilgiparang jakkalangaha ineba Dr Mukul Sangma matnange aganangkuaha.

A•dok sorkari chongipa sorkarini chakrirangkosa nanggipa post-rango an•tangtangni nanganiko altuae dakna man•agita rakkia ine Opposition Congress dol dosi galaha, unbaksana Dr Sangma ba MeECL-o dal•bea cha•minokanirang donga ineba dosi galangaha.

Dingtang dingtang project-rango tangka paisa cha•bokanirangko aganjole, Ganol project-o tangka paisa cha•bokanirang bang•a ineba Dr Sangma janapangaha.

spot_img

More articles

spot_img
-->

Latest article