Shillong, Jan 20: Meghalaya a•dokni jakgitel ong•ani chang 52-gipa salko manianiko, Jowai-ni Deputy Commissioner office-ni gita Mynthong-ni District Library Auditorium-o ong•atanio, West Jaintia Hills a•jaba bakko ra•angaha. Ia manianio, 7-Amlarem constituency-ni MLA, Shri Lahkmen Rymbui mongsonggipa sokgipa ong•enba mikkim gnangataha.
Ia manianio, Additional Deputy Commissioner, Shri. F.B Basan, Additional Deputy Commissioner, Smt. B. Blah, West Jaintia Hills-ni Superintendent of Police, Shri. C. Syrti aro Jowai District Heads-ni Prominent Citizen, Shri. H.H Mohrmen bak ra•angpaaha.
Indake, ia salko manianio , Shri Lahkmen Rymbui aganengon, ia a•dokko a•bachenge rikchenganio on•gilanggipa sakantikon mitelpilskaaniko dakangaha aro a•jani namroro silroroanina an•tangtangan daito ra•e kam ka•na nanga inenba a•jao songdongenggipa sakantikon didiangaha.
Unbaksana, a•jani dingtang dingtang bakrango namroro silroroanina kam ka•anganina aro sorkarini a•bao, jekai, education, health aro rika cho•ani kamrango chu•sokaniko man•ahaninaba ua de•mitelaniko dakangskaaha.
Iana agreba, pekatgipa bosturangko jakkaljachina aro social mediani ja•gao ga•akaoni an•tangtangko naljoke dongchina ine chadamberangko ua mikrakataniko on•angan baksa sorkarini gita on•enggipa scheme-rangko jakkalangskachina inenba didiataha.
Indake, Meghalaya a•dokni ong•bachengani gimin, Additional Deputy Commissioner, Smt. B.Blah kan•dike talate on•angaha.
Ia manianio dingtangmancha, North Liberty Higher Secondary School-ni SSLC-o 11-gipa biapko man•gipa, Miss. Reesa EE Christine Suting aro Adventist Higher Secondary School, Thadlaskein-ni HSSLC (Arts)-o 1-gipa biapko man•gipa, Miss. Larisa Lamin-koba mitelpilskaaniko dakan baksa nama skanirangko on•angaha.
Iakoba poraie nina man·gen: NEC tom•bimonganio, Mizoram-ni CM Lalduhoma Myanmar sipairangni gimin chanchirimaniko dakanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
