Shillong, Aug 9: Pekatgipa bosturangko jakkalanio komibatsranggipa a·dok Meghalaya, da·alo drugs ba pekatgipa bosturangko jakkalani batroroengaha ine nikna man·enga. Indake drugs jakkalgiparang school re·miting chatrorangan bang·batenga ine Indian Journal of Public Health (April-June 2025)-ni am·sandie nianio u·ina man·aha aro ian jajrengna nangenggipa aro bakan champengsona nangenggipa obostao ga·akenga ine nikna man·aha.
Indian Institute of Public Health, Shillong-ni Melari Nongrum, Carinthia Balabet Nengnong, Mattimi Passah aro Meghalaya AIDS Control Society-ni Bethabara Decruse, Wilson Dohling aro Safeeda G. Warjri, a·dokni kenchakna nangenggipa damgittam a·jarang chong·motan, East Khasi Hills, West Jaintia Hills aro East Jaintia Hills a·jarangni 128 Opioid Substition Therapy (OST) baksa agangrikaniko 2022 bilsio dakaha, aro ia sing·sandianio, batbegipa bilsi 19 aro komibatgipa bilsi 10-ni gisepo ong·gipa chadambe me·asarang drugs-ko jakkalenga aro uamang school re·aoni dontonge unorganised sector-rango kam ka·e cha·giparang ong·a ine u·ina man·aha.
Uamangni drugs jakkalani a·selara mongsongbate, gisiko dake nina skani, nokdango neng·nikani, ripengskarangni draani aro gisiko sinjetaniko gimaatna miksongani gimin ong·enga ine nikna man·aha. Ia chadamberang mongsongbate heroin-ko biji su·giparang ong·a aro salo gong 500-2500 ona kingking uamang koros ka·enga ineba u·ina man·aha.
Ia drugs-ko a·doko sokatna namen altubea ine nikgen maina uamang phone gita tangka paisarangko gamate koros ka·na man·enga aro uasan ong·aija, badiaba chadamberang ia drugs-ko brenan sachibako sroenga aro cha·oeba ra·enga ine nikna man·a.
Indake iako sandirikitgipa dolrang, Meghalaya a·doko drugs jakkalgipa manderang gipin a·dok jekai Manipur aro Nagaland-o jakkalenggipa manderang bilsi 22 mangosa ga·akengani gimin uamangna baten drugs jakkalanio bilsini gita komibatenggipa ong·enga aro ian bakrobate addict ong·aona sokatna altubata ine mikrakataniko on·ataha.
Meghalaya Social Welfare Minister Paul Lyngdoh, chatro chatrirangni somoio drugs jakkalani namgijaniko bi·sarangna u·iataniko on·a miksonganio sak 100 mangni gita skigiparangna maikai counselling-ko on·genchim, uarangko ja 10 mangna skie on·anggen ine parakataha.
Indake, Meghalaya a·doko drugs jakkalaniko bon·atna gita Social Welfare department-ni gita a·dok sorkari kamko ka·enga ineba ua agandapaha.
Batanggimin August 1 tariko, Drug Reduction, Elimination & Action Mission (DREAM)-ni gita Shillong-o program-ko ong·ataha aro ia program-o bang·a manderangan re·bae bak ra·tokaha.
Na·simang iakoba nina man·gen:
Na·simang iakoba poraina man·gen: Manderangni neng·nikanirangko knae GSU dolrang Chokpot CHC-ona re·ange nia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
