Tura, August 9: South Garo Hills a·jani Chokpot CHC-o rong·tal-an·talanirangko dongjaenga ine manderangni agananirangko knae Garo Students’ Union (GSU) aro Chokpot Area Vigilance Committee-ni manderang (CAVC) August 6 tariko CHC-ona aganatsogija re·ange nieaha.
Uandake, manderangni janapenggipa kattarang ong·bebea ine uamang nikeaha.
CHC-o donggipa cholrangko namdapatna nangenga ine GSU Chokpot Unit-ni watatgipa video-rang aro agananirango janapaha. Male ward-o bangkarang kam ka·jaenga, paikanarang aro auchakramrang rongtal-an·talja aro gipin neng·nikanirangko uamang aganaha.
“CHC-ko name rakkijani a·selo sagiparang namen neng·nikanirangko man·enga,” ine GSU Chokpot Unit-ni President Jish A Sangma parakataha.
CHC-ona re·ange niani salo doctor saksakosan nikeiaiani gimin sing·doanirangko dakon, NEET PG entrance-ko sena inenba doctorrang chutti ra·aha ine aganaha.
Uandake, re·ange nigipa dolrang doctor chu·onggijaniko aro hospital donggipa cholrangko ta·raken namdapatchina dabiangaha.
Iani bidingo sing·doon, dingtang dingtang dolrangni aro manderangni nangnikanirangko on·na kam ka·gen ine South Garo Hills-ni administration aganchakaha.
Na·simang iakoba nina man·gen:
Na·simang iakoba poraina man·gen: Bangladesh-ni manderang napsrukbae South West Khasi Hills-o saksa mandeko su·choke donanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
