Shillong Aug 9: Bangladesh-oni re·baa ine chanchichipgimin ong·gija dakgipa manderang Sukrobar pringwalni South West Khasi Hills a·jaona napdrae a·song damgnini sima ari-ni sepango mande saksako doke-sate aro su·choke donangaha.
Police dolrangni aganani gitade, Sukrobar salni pring 1 bajimango, Bangladesh-oni saksku manderang silchidarerang baksa slai bol-sako ra·bite Meghalaya-ona napsrukbaaha. Ia obosta sima ari-ni sepango donggipa Nongjri-Nonghyllam jolni ning·ao donggipa Rongdongai songo ong·aha.
Bangladesh-ni manderangko champengna jotton ka·ani gimin uamang Balsrang A. Marak-ko doke-sate uko su·chokaha. Uni ja·mano dos dakgipa manderang ua biaponi katangaha.
Police-rangni aganani gitade, dos dakgipa manderang biaponi katgenchimode, Bangladesh-onade re·angpilkuja. Songni manderang ua manderangko uni pringon songtang-noktangni sepangon nikaha indiba uamang silchidarerangko ra·bitgipa dolrang ine u·ijachim ine police-na agane on·aha.
Ia dos dakgipa manderang Bangladesh police-ni dakchakanichi niamni a·palo ong·gipa kamrangko ka·enggipa dolrangba ong·na man·a ine police dolrang aganaha, maina uamang ua biaponiko Bangladesh police-ni identity card-ko man·aha.
Ia napsrukbagipa manderangni dingtang dingtang bosturang jekai slai, walkie-talkie-rang ao charger-rangko ra·baaniko nike uamang Meghalaya-ni manderangko rim·sruke tangkarangko dabina re·baaha ine chanchichipenga.
Una agreba, dos dakgiparangni gale re·anggipa adita bosturang jekai Bangladesh police ID aro Bangladeshi tangkako songni manderang man·aha aro uarangko sakkirang ine police-rang ra·angaha.
Na·simang iakoba nina man·gen:
Na·simang iakoba poraina man·gen: Guwahati-o ong·atgipa ASMITA U-13 football kal·susaanio Manisha Kalyan chadamberangna didianiko on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
